Bandera horia Donostiako hondartzetan 'Ostreopsis siamensis' algarengatik
Zurriolako hondartzan, Sagues aldean, debekatu egin dute bainua, gaur goizean 20 bat bainularik azkura izan dutelako. Hori dela eta, bandera horia jarri dute bertan.
Bandera horia dute oraindik Donostiako gainerako hondartzetan; izan ere, uretan Ostreopsis siamensis alga agertu izanaren zantzuak daude, atzo ehun bat lagun artatu ondoren azkura zutelako. Gaur beste hondartzetan (Ondarreta, Kontxa eta Santa Klara) ez dute kasurik atzeman, baina bandera horia jarri dute berriro, badaezpada.
Donostiako Osasun Publikoko zinegotzi Marisol Garmendiak azaldu duenez, azken orduetan egin diren analisiek erakutsi dute uraren kalitatea oso ona dela bainatzeko.
Udalaren esanetan, ez dago analisi berezirik alga mikroskopiko hori detektatzeko; kaltetutako pertsonen sintomatologia da alga hori dagoen seinale nagusia. Antza denez, beroak lagundu egin dio alga horri azkarrago ugaltzen, eta kontzentrazio altuago horrek eragin du, seguruenik, azkura kasu gehiago izatea.
Osasun Sailaren arabera, ez dago larritzeko arrazoirik: "Bainurako uretan dauden mikro-algek, batez ere itsasbeheran, azkura eragin diezaieke batzuei. Azkura sentitzen baduzu, ez larritu, desatsegina da baina ez da ezer larria, ez arriskutsua". Bainu laburrak hartzea, sintomarik izanez gero sorosleen postura joatea eta bainua hartu ostean dutxatzea gomendatu dute.
Lapurdin abuztu hasieran hauteman zuten alga hori, eta han, badaezpada, itxi egin zituzten hondartzak.
Zer da Ostreopsis siamensis alga?
Ostreopsis siamensis alga batez ere itsas hondoan hazten den itsas alga mikroskopikoa da, mikroalga bat, harriak eta harritxoak estaltzen dituena. Mikroskopikoa denez, ezin da begi hutsez ikusi, baina ugalduz gero, itsas hondoa estaltzen duen mikroorganismo hauen pelikula ikusgarri bihurtzen da, hondoa eta objektuak geruza marroi batez estali ohi duelako, eta, gainera, uretan flotatzen ari diren bits edo pikor muzilaginosoak ikus daitezke.
Ostreopsis siamensis algaren kontzentrazioa handia denean, itsas aerosol kutsatuak ukitzeak edo arnasteak azkura (pruritoa) eta larruazaleko erupzioak (eritema) eragin ditzake.
Era berean, gripearen antzeko adierazpen klinikoak izan daitezke: errinorrea, eztul produktiboa, sukarra, bronkio-konstrikzioa, arnasteko zailtasuna eta toxinarekin aerosolak arnastu ostean mukosak eta begiak narritatzea. Kasu honetan, seinale klinikoak aerosolekiko esposizioaren ondorengo 48 orduetan agertzen dira, 2-6 ordu igarotakoan, eta horiek jasaten hasi eta 24-48 orduan desagertu ohi dira.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.