2021ean eitb.eus-en gehien ikusitako albisteak
Bigarren urtez jarraian, covid-19a izan da inongo sorpresarik gabe 2021eko albisteen artean protagonista. Koronabirusari buruzko edukiak eitb.eus-eko eduki bisitatuenen artean sailkatu dira. Herritarrak buru-belarri ibili dira pandemiaren azken orduaz informatzerako orduan; oraindik ere puri-purian dago gaia.
Koronabirusaren datuak dira zabalkunde handiena izan dutenak. Lehen eskutik ezagutu nahi izan ditugu egunean eguneko kasu berriak, intzidentzia tasa, hildakoak, ospitaleratzeak... Egunero EAEko zein Nafarroako erradiografietan biltzen ditugu datu horiek. Aurten, iaz bezala, lehenengo postuan sailkatu dira erradiografiok.
LABIk aplikatutako neurrien albisteak ere sailkatu dira albiste irakurrienen artean. Aste Santuen inguruan, itxiera perimetralak iragarri zituen 400etik gorako intzidentzia-tasa metatua duten udalerri eta lurraldeetan, ostalaritzako barrualdeetako ordutegia murrizteaz gain. Alarma-egoera bertan behera uztean ere, LABIk hartutako erabakiak irakurrienen zerrendan daude.
Era berean, txertaketa-kanpainaren edukiek ere zabalkunde izugarria izan dute. Hiru albiste sailkatu dira hamar irakurrienen artean; Kanpainaren eboluzioa zein egutegia, besteak beste.
Hala eta guztiz ere, bada zerrendan koronabirusarekin zerikusirik ez duen albisterik: Berrobin desagertu zen gizon bat onik aurkitu zutenekoa edo ETB1eko "Ahoz Aho" saioko argazki fake bat Interneten zabaldu zenekoa.
Hauek dira eitb.eus-en 2021eko eduki irakurrienak:
1- Koronabirusaren erradiografia EAEn: kasuak herriaren, adinaren eta sexuaren arabera
2- 19 udalerri itxita egongo dira astelehenetik aurrera EAEn
3- Txertaketa kanpaina Araban, Bizkaian eta Gipuzkoan: datu guztiak
4- Onik topatu dute asteartean Berrobin desagertu zen gizona
5- EAEn egun indarrean dauden murrizketak
6- Osakidetza aste amaieran hasiko da AstraZenecaren bigarren dosirako mezuak bidaltzen
7- Ez, ez da egia ETB1eko "Ahoz Aho" saioak "txortaketa" hitza erabili duela
8- Txertaketa egutegia: Nortzuk izango dira txertoa jasotzen hurrengoak?
9- Jaurlaritza etxeratzeko agindua 18:00 edo 20:00etara aurreratzea aztertzen ari da
10- LABIk konfinamendu perimetralak ezarri ditu, eta ostalaritzaren ordutegiak mugatu
Bestalde, eitb.eus-eko bideoen artean ere badira covid-19ari buruzko bideoak. Halere, Euskal Herriko Dantza Txapelketa eta Zinemaldiko inaugurazioko galako pare bat bideo ere bada 5 bideo ikusienen artean.
Hauexek dira 2021eko bideo ikusienak:
1- Hauek dira ikasgela batean positibo bat detektatzen denean eman beharreko urratsak
2- Maren Galvezek eta Gorka Granadok irabazi dute 2021eko Euskal Herriko Dantza Txapelketa
3- Musuko eta distantziarik gabe ospatu dituzte sanferminak Lesakan hamarka pertsonak
4- Zea Maysek eta Rozalenek ahotsak batu dituzte Zinemaldiaren inaugurazio galan, ''Negua joan da ta'' abesteko
5- Afari edo bazkari batean kutsatzeko arriskua zenbaterainokoa da?
Kiroletan, aldiz, bada aniztasun handiagoa sailkatu diren edukien artean: Athletic eta Realaren arteko Errege Kopako finala, Binakako txapelketa, Oinatz Bengoetxeak kirol ibilbide profesionala amaitzea, Ane Mintegi Wimbledongo gazte mailako txapelduna... Argi ikusten da gure kirolek ere oihartzuna duela eitb.eus-en.
CONTENIDO NO ENCONTRADO
Hauek dira 2021eko kirol eduki kontsultatuenak:
1- Euskal Telebistak zuzenean eskainiko du Athletic-Reala Errege Kopako finala
2- EITB Pilotari Onenaren sailkapena
3- 2021eko Binakako Txapelketako sailkapenak eta egutegia
4- Panpi Ladutxe pilotari ohia hil da
5- Parte hartu 'Zaleen erreleboa' ekimenean
6- Cartuja zelaia birtualki betetzeko "Bai edo Bai" ekimena martxan
7- Oinatz Bengoetxeak urtarrilaren 29an emango du amaitutzat bere kirol ibilbide profesionala
8- Iñigo Martinezek Espainiako selekzioari uko egin dio
9- Ane Mintegi gipuzkoarra, gazte mailako Wimbledongo txapeldun
10- Maialen Chourraut: "Zilarrezko domina honekin amestu dut"
Albiste gehiago gizartea
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.
Renfek 8.000 autobus baino gehiago programatuko ditu uztailaren 25etik irailaren 21era, Gipuzkoan, obrengatik
Konpainiak ohar batean adierazi duenez, lan horien ondorioz, uztailaren 25etik irailaren 21era bitartean eten egin behar da tren zerbitzua aldirietako zerbitzuaren tarte jakin batzuetan eta distantzia ertain eta luzeko ibilbideetan.
Behin-behineko espetxealdia 71 urteko gizon batentzat, neska adingabe bati sexu-erasoa egiteagatik
Uztailaren 1ean, adingabe batek Ertzaintzan jarritako salaketa baten ondorioz, jakin zen 2024. urtearen amaieratik salatzailea adineko gizon batekin sexu-harremanak izatera behartu zuela hirugarren batek, diru-truke.
Luizi handi batek Panticosako (Huesca) bainuetxera doan errepidea moztu du
A-2606 errepidea itxi duen luizi handia ostegunean gertatu zen, ekaitz gogor bat izan ondoren. 300 pertsona inguru geratu dira Panticosako bainuetxean harrapatuta. Langileak lanean ari dira errepidea asteburu honetan bertan ireki ahal izateko.
Arrasaten sute batean zauritutako gizona hil egin da
Sutea ostegunean jazo zen, etxebizitza-bloke bateko sotoetan. 41 urteko gizona Gurutzetako Ospitalean hil da.
Renfe programa más de 8000 circulaciones de autobuses del 25 de julio al 21 de septiembre en Gipuzkoa por obras
En un comunicado, Renfe ha indicado que estos trabajos obligan a la interrupción del servicio ferroviario entre el 25 de julio y el 21 de septiembre en determinados tramos del servicio de Cercanías y los trayectos de Media y Larga Distancia.
Iruñea goitik behera prestatzen ari da igandean lehertuko den festa hartzeko
Bisitariak iritsi eta iritsi ari direlarik, lanean jo eta su ari dira hiritar asko eta asko, festan murgiltzerako dena prest egon dadin. Ostalariak, dendariak, ostatuetako langileak, segurtasun langileak, Udal-brigadak... Izan ere, ez da ezer falta jaia lehertzeko.