LABIk konfinamendu perimetralak ezarri ditu, eta ostalaritzaren ordutegiak mugatu
Euskadiko Babes Zibileko Planaren (LABI) Aholku Batzordeak erabaki du konfinamendu perimetrala ezarriko duela 400etik gorako intzidentzia-tasa baino altuago duten udalerrietan eta lurralde historikoetan, Iñigo Urkullu lehendakariak eta Gotzone Sagardui Osasun sailburuak jakinarazi dutenez.
Hala, lehendakariak iragarri du "azken egun hauetako bilakaera dela-eta, eta agintari sanitarioen iradokizunak aztertu ondoren, prebentzio neurriak indartzea adostu" dutela.
Neurriek 100.000tik 400eko intzidentzia tasa baino gehiago duten herriei eragingo die soilik, eta konfinamendu perimetralaz gain, ostalaritzako barrualdeetako ordutegia murriztu dute, 06:30etik 09:30era eta 13:00etik 16:30era.
Konfinamendu perimetralaren kasuan, ondoko udalerrira joan ahal izango da erosketak egitera edo aire libreko kirola praktikatzera.
Apustu-etxeei dagokienez, ostalaritza zerbitzua barrualdean soilik eman ahal izango dute, eta zehaztutako ordutegian bakarrik.
Kirol arloan, 400dik gorako intzidentzia-tasa duten herrietan, ezingo dira 4 pertsona baino gehiago elkartu barrualdeetan kirola egiteko, federatutako eta kirolari profesionalak izan ezik.
Aldagelak eta dutxak itxita egongo dira, igerilekuetan salbu, horietan % 35eko edukiera onartzen baita, eta dutxak bakarka erabiltzea.
Osasun Sailak astelehenero kaleratuko du tasa gainditzen duten udalerrien edo lurraldeen zerrenda, baina lehenengoa bihar argitaratuko du, astelehenean indarrean jartzeko. Gaur gaurkoz, zazpi dira perimetralki konfinatuko lituzketen udalerriak (Elorrio, Ermua, Muskiz, Ondarroa, Beasain, Lazkao eta Ordizia), eta gainerakoak Aste Santua "salbatzea" lortuko lukete, hurrengo zerrenda apirilaren 6an jakinaraziko baitute.
Bestalde, eta Espainiako Lurralde Arteko Osasun Kontseiluan erabakitakoaren arabera, martxoaren 26tik apirilaren 9ra bizikideak soilik elkartu ahal izango dira eremu pribatuan.
Aldez aurretik ostatu hartzeko erreserba egin dutenek bidaia egin ahal izango dute. Apirilaren 1etik 11rako erreserba egin duten pertsonei bidaiatzeko aukera eman diete. Honenbestez, ostatu hartzeko erreserba egiten duten herrira joateko aukera izango dute, jatorrizkoak edo helmugan dagoenak 400dik gorako intzidentzia izan arren.
"Ez da gomendagarria"
Hala ere, lehendakariak ohartarazi du ez direla "gomendagarriak intzidentzia tasa altuko inguruetan harreman sozialak edo mugikortasuna".
Ostalariek neurri murriztaileen kontra neurriak har ditzakeen galdetuta, lehendakariak "errespetua" agertu du hartzen duten erabakiarekiko, baina azpimarratu du Jaurlaritzaren jarduna ez dela sektorea "zigortzeko", baizik eta "helburu handiago" baten alde.
Azaldu du erabaki horiek hartzeko pandemiaren "gorakada" hartu dutela kontuan, ZIUen okupazioa eta, bereziki, aldaera britainiarraren zabalkundea.
ARABA
- Ez dago 400etik gorako intzidentzia metatua duen udalerririk.
BIZKAIA
- Elorrio (725,03)
- Ermua (724,14)
- Muskiz (454,61)
- Ondarroa (420,22)
GIPUZKOA
- Beasain (805,93)
- Lazkao (1207,39)
- Ordizia (844,09)
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.