Osakidetza aste amaieran hasiko da AstraZenecaren bigarren dosirako mezuak bidaltzen
AstraZenecaren lehen dosia jaso, eta bigarren dosirako Pfizerrena jasotzea baztertu zuten 60 urtez azpiko oinarrizko langileei aste honen amaieran hasiko zaie hitzordua hartzeko mezua bidaltzen, Gotzone Sagardui Osasun sailburuak gaur iragarri duenez.
Sagarduiren hitzetan, immunizazioa AstraZenecaren prestakinarekin amaitu nahi dutenekin "agenda berezia" sortu behar du Osakidetzak. Ostegunean bertan hasiko dira, sailburuak zehaztu duenez, bigarren dosia jaso behar duten horiei mezuak bidaltzen. Lehen dosia jaso zutenen ordena bera kontuan izanda emango dute bigarrena, dosi hura jaso zutenetik 12-16 aste igarota dituztenekin hasita.
Gobernu bileraren ondoko prentsaurrekoan egin du iragarpena Osasun sailburuak. Halaber, zehaztu du asteon txertatu behar zituzten 11.475 oinarrizko langileetatik 7.432k Pfizer aukeratu dutela bigarren txertorako; hots, % 65ek Osasun Publikorako Batzordearen aholkuari men egin dio.
Espainiako Gobernuko Osasun Batzordeak Pfizer lehenetsi zuen AstraZenecaren txertoa jaso duten 60 urtetik beherakoen bigarren dosirako, baina Lurraldearteko Kontseiluak AstraZeneca eta Pfizer etxeen txertoen artean aukeratzeko beta eman zien herritarrei. Hala, immunitatea prestakin berarekin osatu nahi zutenek, baina, baimen idatzia sinatu behar izan dute.
Horren ildoan, Osakidetzak "agenda berezia" prestatu du bigarren dosirako ere AstraZeneca hautatu dutenenekin, eta dagokienean eta dosi nahikoa dagoenean, SMS mezu bat bidaliko die. "Mezu horri itxaron beharko diote, Osakidetza jarriko da eurekin harremanetan", nabarmendu du sailburuak.
Lehen mezuak, Sagarduiren arabera, ostegunean hasiko dira bidaltzen. "Espero dugu aste honen amaieran mezuak bidaltzen hastea, eta, posible bada, txertatzen hastea".
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.