16 urtetik gorako herritarren erdiek hartuta dute txertoaren lehen dosia EAEn
Covid-19aren aurkako txertaketa-kanpaina erritmo onean dabil Euskal Autonomia Erkidegoan (EAE), eta zenbaki borobila harrapatu du asteon, Eusko Jaurlaritzako Osasun Sailak gaur zabaldu duen txertaketa-buletinaren arabera. Izan ere, 16 urtetik gorako herritarren erdiek (% 50,2) jaso dute txertoaren lehen dosia, eta jada milioi erdik, zehazki, 506.411 pertsonak (% 27,1), immunizazio osoa dute jada.
Azken txertaketa-buletin horren arabera, 936.281 pertsonak jaso dute Espainian covid-19aren aurkako txertoen (Pfizer, Moderna, AstraZeneca eta Janssen) lehen dosia.
Txertaketa hasi zenetik, Euskadik 1.421.720 txerto jaso ditu, eta horietatik 1.287.426 eman ditu; hau da, jasotako txertoen % 97,6.
Buletinak erakusten duenez, txertaketan aurrera egiten ari da Euskadi; izan ere, 70 eta 79 urte bitarteko biztanleen % 92,1ek txertoaren bi dosiak jaso dituzte, eta 80 urtetik gorakoen artean, % 99k baino gehiagok.
60 eta 69 urte bitarteko euskal herritarren % 92,5ek dosi bat eman dute dagoeneko eta % 15,6k pauta osoa.
50 eta 59 urte bitartekoen artean, % 60,2k ziztada bat jaso dute, eta % 18,1ek, berriz, biak. Hurrengo adin-tarteetan, lehenengo dosia hartu dutenen ehunekoa % 14,2ra jaisten da 40 eta 49 urte bitartekoen artean, % 14,7ra 30 eta 39 urte bitartekoen artean, eta % 14ra 20 eta 29 urte bitartekoen artean.
Horrez gain, nabarmentzekoa da adingabeen artean immunizazio-prozesua hasi dela; izan ere, buletinaren arabera, 16 eta 19 urte bitarteko gazteen % 3,3k txertoen dosi bat jaso dute.
AstraZenecaren lehen dosia jaso dutenen 60 urtetik beherako 81.592 euskal herritarren artean, 5.970ek Pfizer prestakinaren bigarren ziztada jaso dute, hau da, % 7,3k.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.