12 eta 15 urte arteko gazteei Pfizerren txertoa ematea onartu du EMAk
Europako Sendagaien Agentziak (EMA) oniritzia eman dio Pfizer/BioNTechen txertoa 12 eta 15 urte arteko gazteei emateari. Hala, 16 urtetik beherakoei emateko moduko covid-19aren aurkako lehenengo txertoa onartu da Europar Batasunean.
Pfizerrek eta BioNTechek 2.260 neraberekin egin zituzten 3. faseko probak, eta eraginkortasuna % 100ekoa izan dela egiaztatu dute. Erantzun immunologikoa "sendoa" izan omen da, eta "orokorrean" ez da albo-ondoriorik izan.
Marco Cavaleri Txertoen Estrategiarako buruak txalotu egin du onarpena prentsaurreko batean. "Onartuta zegoen 16 urtetik gorako gazteentzat, eta orain ditugun datuek agerian uzten dute 12 eta 15 urte artekoentzat ere segurua dela txertoa, horregatik hartu du erabakia komunitate zientifikoak".
Hala eta guztiz ere, zehaztu du estatu bakoitzak erabakiko duela erabili edo ez. "Estatu kideek erabaki beharko dute erabili ala ez, eta nola erabili", azaldu du.
Txertoak helduen ibilbide bera izango du adingabeen kasuan ere, hau da, bi dosi eman beharko dira gutxienez hiru asteko tartean.
"Datuek agerian uzten dute txertoak biziki babesten duela herritar talde hori gaixotasunarekiko segurtasuna prebenitzeari dagokionez", gaineratu du. Dena den, agentzia etengabe ari omen da eragina gainbegiratzen.
Sendagai horren ekoizpena handitu beharko dela eta, Cavalerik esan du EMA lanean ari dela ekoizpen gaitasuna handitzeko baimena emateko, eta txertoa gordetzeko baldintzak malgutzeko, txertaketa errazte aldera.
AstraZenecaren aholkuari eusten dio
Bestalde, agentziak AstraZenecaren bigarren dosia ematearen aldeko iritzia berretsi du lehenengo dosia jaso dutenentzat, ez dagoelako frogatuta bigarrenak tronbosia edukitzeko arriskua handitzen duenik.
Erakundeak azpimarratu du ikerketak daudela bigarren dosiaren eraginkortasuna frogatzen dutenak.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.