Hasi dira hitzorduak ematen AstraZenecaren txertoa jaso zuten 60 urtetik beherakoei
Osakidetza astelehen honetan hasi da hitzorduak ematen AstraZenecaren lehen dosia hartu zuten 60 urtetik beherako pertsonei bigarren dosia emateko.
Osasun agintariek hala erabakita, Pfizerrena jarriko zaie orain, baina AstraZenecaren bigarren dosia hartzeko aukera izango dute. Horretarako, baina, onespen bat sinatu beharko dute, eta pertsona horiekin beste agenda bat egingo dute. Ildo horretan, Osasun Sailak ohartarazi du pertsona horien txertaketa AstraZenecak bidaltzen dituen dosien arabera egingo litzatekeela.
Araban, Bizkaian eta Gipuzkoan 60 urtetik beherako 83.000 funtsezko langile baino gehiagok jaso zuten AstraZenecaren lehen dosia eta bigarrena noiz hartuko zain daude.
Tokatu zaion txertoa jaso ostean, Gotzone Sagardui Osasun sailburuak aitortu du ezinegona sortu dela kolektibo horretako pertsonen artean eta baieztatu du Osakidetza gaur goizean hasi zela hitzorduak emateko deiak egiten.
"AstraZenecaren lehen dosia jaso zuten 60 urtetik beherako pertsona guztiek Osakidetzaren deia jasoko dute egunotan", berretsi du.
Bestalde, sailburuak azpimarratu du 16 urtetik gorako herritarren % 47k hartu dutela covid-19aren aurkako txertoren baten lehen dosia, eta % 22 baino gehiago direla dagoeneko immunizatuta daudenak.
60 urtetik gorakoen txertaketa
Bestalde, Fernando Simon Espainiako Osasun Larrialdietarako Koordinazio Zentroaren zuzendariak esan du AstraZenecaren lehen dosia hartu zuten 60 eta 70 urteko pertsonen txertaketa Pfizerrekin amaitzea aztertu beharko litzatekeela.
"60 urtetik beherako askok AstraZenecaren bigarren dosia hartzea erabakitzen badute, 60 eta 70 urte bitartekoei Pfizerrena ematea aztertu beharko litzateke", adierazi du arratsalde honetan egin duen agerraldian.
Halaber, AstraZenecaren txerto nahiko izango dela esan du. "Printzipioz, txerto nahiko izango ditugu, orain arte jasotakoak eta iritsi behar zaizkigunak kontuan hartuta", erantsi du.
Ildo horretan, Simonek jakinarazi du hirugarren hiruhilekoan 12 milioi dosi gehiago jasoko dituela Estatuak.
BIDEOA | Gotzone Sagarduik Modernaren txertoa jaso du
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.