Urkulluk "lasaitasuna" eskatu die AstraZenecaren lehen dosiarekin txertatutakoei
Iñigo Urkullu lehendakariak "lasaitasuna" eskatu die AstraZenecaren lehen dosia jaso eta bigarrenaren zain daudenei, "epe batean edo bestean, txerto batekin edo bestearekin, txertoaren zikloa osatuko dutelako".
Lehendakariak Legebiltzarraren atarian egin ditu egin ditu adierazpenok, kazetarien galderari erantzunez.
Pfizerren bigarren dosia baztertu eta pauta AstraZenecarekin osatu nahi dutenei buruz Urkulluk esan duenez, "itxaron beste aukerarik ez dute". Hala ere, egoera horretan daudenei zuzenduta esan du saio klinikoek frogatu dutela etxe bateko txertoak eta besteak "osagarriak" direla. "Epe batean edo bestean, txerto batekin edo bestearekin, jaso egingo dute", gaineratu du.
Astelehenean Espainiako Estatura heltzekoa den prestakin suediar-britainiarraren partida handi horretatik (1,3 milioi dosi) EAEk zenbat jasoko dituen itaunduta, zuhur agertu da lehendakaria: "Astero gabiltza berdin, izango dena diotena eta azkenean izango dena ahotan".
Azkenik, gogorarazi du LABIren Aholku Batzordea astelehenean bilduko dela, eta maiatzeko datuak aztertu ondoren hartuko dituela erabakiak. Horretarako, beti bezala, batzorde teknikoak egindako txostena izango dute oinarri.
Urkulluren esanetan, dirudienez egungoa pandemiaren "azken fasea" da. Nolanahi ere, "azken ahalegin bat" egiteko deia egin du, zuhurtziaz jokatzeko, eta indarrean dauden babes-neurriak errespetatzen jarraitzeko "erantzukizun indibidual eta kolektiboa" eskatu die herritarrei.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.