Palmako sumendia ofizialki eman dute itzalitzat
Pevolca Kanarietako Sumendi Arriskuen Prebentziorako erakundeak amaitutzat eman du Cumbre Viejako sumendiaren erupzioa, irailaren 19an piztu zena.
"Erupzioa amaitu da" esan du Julio Perez Kanarietako Gobernuaren bozeramaileak. Izan ere, zientzialariek adierazi dute abenduaren 13an izan zela erupzioaren azken eguna, eta orduan hasi zela sumendiaren indarraren gainbehera erabatekoa.
Perezek azaldu duenez, irailaren 19tan hasi eta 85 egunez iraun duen "sumendi udazkena" izan da Kanarietako Gobernuaren "lehentasuna", eta erupzioa amaituta, "lasaitasuna" sentitzen dute, nahiz eta orain suntsitutako eremuak konpontzera bideratu beharko duten esfortzua.
Julio Perezek lasai, gustura eta itxaropentsu dagoela adierazi du, nahiz eta ohartarazi larrialdi egoerari eusten zaiola, eta Pevolcak indarrean jarraituko duela.
7.000 pertsona ebakuatuta
Astelehenean bertan hasiko dira herritarrak etxera itzultzeko plana aztertzen, "segurua, ordenatua eta mailakatua" izan dadin; izan ere, Perezek aurreratu du ebakuatutako 7.000 pertsonetatik, lehenengoak urtarrileko lehenengo hamabostaldian itzuliko direla etxera.
"Arriskua dagoen bitartean, indarrean egongo da Pevolca", berretsi du Perezek, epe motzean indargabetzeko aukerarik ez duelako ikusten.
Miguel Angel Morcuende Pevolcako zuzendaritzaren bozeramaileak berretsi egin du Perezek esandakoa, eta azpimarratu du "lan gogorra" dagoela oraindik egiteko oinarrizko zerbitzuak berrezartzeko eta sumendiaren gasak kontrolatzeko.
Julio Perezek iragarri du hurrengo pausoak "berreraikitzea, berregitea, hobetzea eta berriro jartzea" izango direla, "eguneroko suntsipen ikaragarria amaituta", azken urteotan babes zibilak aurre egin behar izan dion hondamendi handiena izan baita.
1.219 hektarea
Perezek larrialdi zerbitzu horrek jasotako zenbaki batzuen berri eman du. Hala, Pevolcak 100 batzarretik gora egin ditu irailaren 13tik, hau da, erupzioa hasi baino sei egun lehenagotik.
Azkenean, sumendiaren koladak 1.219 hektarea hartu ditu, eta bi laba adar utzi ditu, 43,46 hektareakoa hegoalderantz eta 5,05 hektareakoa iparralderantz.
Erupzioak 1.576 eraikin suntsitu ditu, katastroaren arabera, nahiz eta 2.988 diren sateliteen datuak aintzat hartuz gero.
370 laborantza hektarea eraman ditu aurrean, gehienak platanondoak, baina baita mahasti eta aguakateak ere. Guztira 73,8 kilometro errepide kaltetu ditu labak.
"Gabonetako opari onena"
"Gabonetako opari onena da", adierazi du Pedro Sanchez Espainiako Gobernuko presidenteak, sumendiaren erupzioa amaitu dela jakin duenean.
Sanchezek esker ona eta errespetua helarazi nahi izan die irlako biztanle guztiei, eta jakinarazi die "elkarrekin lanean" jarraituko dutela "erakunde guztiek", kalteak "konpontzeko".
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.