200 adingabe Txernobyldik atera eta EAEra ekartzeko korridore humanitario bat berehala sortzeko eskatu dute
Txernobylgo haurren egoerari buruzko kezka nabarmena da Euskal Herrian. Hori dela eta, Eusko Jaurlaritzak eta Euskadin lan egiten duten Txernobylgo haurren harrerarako lau elkartek eskaera bat bidali diote Espainiako Gobernuari, harrerako euskal familiek erreklamatutako adingabeak eremutik ateratzea ahalbidetuko duen korridore humanitario bat sortzeko laguntza eman dezaten.
Beatriz Artolazabal Justizia eta Gizarte Politiketako sailburuak agerraldia egin du, gaur goizean, Txernobylgo umeak, Txernobyl Elkartea, Txernobylen Lagunak eta Ukrania Gaztea elkarteetako ordezkariekin batera. "Badakigu, elkarteek jakinarazten digutenaren arabera, haien egoera jasanezina dela", adierazi du sailburuak. "EAEko familiek adingabe horiek hazten ikusi dituzte, eta senitartekotzat dituzte", gaineratu du sailburuak.
Horregatik, 200 adingabe baino gehiago bertatik atera nahi dituztela nabarmendu du Artolazabelek, "gure harrerako seme-alaba diren gazteak"; izan ere, "gure herriaren zati dira". Eskaera, Espainiako Gobernuari zuzendu zaio eta Iñigo Urkullu Lehendakariaren beraren izenpekoa du.
Elkarteen arabera, helburua umeekin elkartzea da, bai eta haien neba-arrebekin eta familiekin ere. Hala, Txernobylgo bazterketa-eremutik hurbil dauden herrietan bizi diren umeei urteak harrera egiten daramatzaten EAEko lau erakundeek, jasaten ari diren muturreko egoera kontutan hartuta, Eusko Jaurlaritzarekin batera korridore humanitario bat "berehala" irekitzeko eskatu dute.
Horrekin batera, Justizia eta Gizarte Politiketako sailburuak, herritarrei eskerrak eman ondotik, gogorarazi du, herritarren elkartasun-seinale guztiak Migrazio eta Asilo Zuzendaritzak gaitutako eta Zehar Errefuxiatuekin elkarteak horretarako kudeatutako buzoiaren bidez (errefuxiatuak@euskadi.eus) eta Gurutze Gorriaren telefonoaren (945 222 222) bidez antolatzeko. "Elkartasun hori bideratzen jarraitu behar da, eta antolatzen, eraginkorra izan dadin; izan ere, borondaterik onenak eragin kaltegarriak ekar ditzake", esan du sailburuak.
Martxoaren 13ko datuen arabera, EAEn Ukrainatik etorritako 262 pertsonari ematen ari zaie arreta, baina une oro ari dira datuok aldatzen. Atzo bertan, Jokin Bildarratz Hezkuntza sailburuak jakinarazi zuen une honetan Ukraniatik iritsi diren 35 haur daude EAEko eskoletan. Azaldu zuenez, ikasgeletan integratu aurretik, laguntza psikologikoa zein beste laguntza mota batzuk eskaintzen zaizkie haur horiei, "gainerako ikasleekin ahalik eta ondoen integratu ahal izateko".
Zure interesekoa izan daiteke
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.
Euskadik Hezigiro abiatu du, ikastetxeetan konfort termikoa hobetzeko plana
Hezkuntza Sailak pilotajea jarri du martxan Bizkaiko lau ikastetxetan: Bagatza HLHI (Barakaldo), Luis Briñas-Santutxu BHI (Bilbo), Pagasarribide IPI (Bilbo) eta Indautxu HLHI (Bilbo).
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.
Bilboko Aste Nagusian galdu ezin diren 5 ekitaldi
Bilboko Aste Nagusiaz gozatzeko bost plan proposatzen dizkizugu. Ez galdu pregoia eta jaiei hasiera emateko txupinaren jaurtiketa, txosnak, lehiaketa gastronomikoak, balearen desfilea eta kontzertuak.