Auto-ilarek trafiko mardula eragin dute beste egun batez Irun inguruan
AP-8an, ostiraleko 20:00etan, 7,5 kilometrorainoko auto-ilarak zeuden Biriatuko ordainlekuan, Irunen, Frantziarako noranzkoan, Eusko Jaurlaritzako Trafiko Zuzendaritzak Eitb.eus-i jakinarazi dionez. Zarauzko ordainlekuan, berriz, berriro agertu dira auto-ilarak gaueko 22:30ak aldera, egun osoan zehar trafiko mardula izan ondoren.
Gainera, gaueko 21:30etan 6 kilometroko auto-ilarak zeuden A-1 errepideko 352 puntu kilometrikoan, Gasteiz parean, Irunerako noranzkoan.
Kantauriko autobidean dabilen auto kopuru handiaren ondorioz, auto-ilarak sortu dira arratsaldeko lehen orduetatik. Eguerdian, 3 kilometrorainoko auto-ilarak zeuden Biriatun, eta auto-ilara horiek gero eta, orduek aurrera egin ahal, gero eta handiagoak dira.
Aurreko egunetan gertatu den bezala, Biriatuko auto-ilarak Bidasoako bigarren mailako errepideetako zirkulazioan eragina izaten ari dira, hala nola N-638, GI-636 eta GI-2134 errepideetan.
Bidasoaldea eta Oarsoaldea Donostiarekin lotzen dituzten Lurraldebuseko lineak biltzen dituen Ekialdebusek sare sozialetan jakinarazi du E20, E21, E25, E26 eta E28 lineak 15-20 minutuko atzerapenak izaten ari direla AP-8ko auto-ilarak direla eta.
Kolapsoa dela eta, Ekialdebus geltokiak eta ibilbideak aldatzen ari da. E25 lineako Euskal Herria etorbideko eta Larreaundiko geltokiak bertan behera geratu dira. Gainera, E28 lineak ezin duenez Irunera sartu, E28ko bidaiariak E25 lineako bisera pasako dira Amuten, Irunerantz jarraitu ahal izan dezaten. Bestetik, E28 linea hartu nahi duten bidaiariak hartzen ari da E26 linea Irungo geltokietan, Suhiltzaileak geltokiraino (Donostiarako norabidean) eramateko, han E28ko busa hartu ahal dezaten.
Zure interesekoa izan daiteke
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatoninaren kontsumo luzea bihotz gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina-gehigarriak hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ez direla bi miligramotik igotzen.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe zigorra eskatu du Fernando Izaguirrerentzat.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.