18 urteko kartzela zigorra eskatu dute Zornotzan osaba hiltzeagatik akusatutako gizonarentzat
2020an Zornotzako baratze batean osaba hiltzeagatik akusatutako gizonarentzat 18 urteko espetxe zigorra eskatu dute azpikeriaz egindako hilketagatik, Fiskaltzak, akusazio partikularrak eta defentsak gertakarien kalifikazioan lortutako akordioaren ondoren.
Bizkaiko Probintzia Auzitegia 39 urteko gizonezko baten aurkako epaiketa egiten ari da astelehenetik, epaimahaiarekin, 2020ko maiatzaren 20an Boroa auzoko baratze batean 66 urteko osaba jotzeagatik. Biktima ospitalera eraman zuten, eta hiru egun geroago hil zen. Gertakarien biharamunean atxilotu zuen Ertzaintzak auzipetua, eta ordutik, Basauriko espetxean dago.
Gaurko, osteguneko, saioan, besteak beste, deklarazioa aurkeztu dute biktimari autopsia egin zioten auzitegiko medikuek. Horien arabera, heriotza garezurreko traumatismoagatik gertatu zen, hainbat zauriren ondorioz. Azaldu dutenez, biktimak 18 lesio zituen buruaren atzealdean, eta ez zuen defentsako zauririk.
Saioa amaitzeko, Fiskaltzaren, akusazio partikularraren (biktimaren iloba bat ordezkatuz) eta auzipetuaren defentsaren azken ondorioak azaldu dituzte.
Fiskalak esan du gertakariak azpikeriaz egindako hilketa direla, biktimak ez baitzuen "defentsarako aukerarik" izan.
Defentsak adierazi duenez, akusatuak "gertaeren aitorpena" egin du, eta "egindako minagatik barkamena eskatu" du, eta Fiskaltzaren eta Akusazioaren "kontakizunarekin" bat egin du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.