EAEko 1.500 familiak Ukrainako errefuxiatuak hartu dituzte gerrako lehen urtebete honetan
Errusiak Ukraina inbaditu zuenetik, duela urtebete, gerratik ihesi Euskal Autonomia Erkidegora (EAE) etorritako 3.500 errefuxiatu inguru hartu dituzte EAEko 1.500 familiak, asko eta asko ukrainar jatorrikoak.
Urtemuga baliatuta, Eusko Jaurlaritzak zenbakitan jarri nahi izan du euskal elkartasuna, eta dokumentu batean bildu —"Ukraina-Euskadi. Urtebeteko elkartasunaren memoria"—. Agiria inbasioa abiatu eta gutxira sortutako Ukrainako Errefuxiatuei Harrera Egiteko Jarraipen Mahaiko kide izan direnei aurkeztu die Jaurlaritzak, hots, EAEko erakunde eta gobernuz kanpoko erakundeei. Ondoren, Europa ekialdeko herrialdeari elkartasuna adierazteko ekitaldi instituzionala egin dute Lehendakaritzan, Iñigo Urkullu buru zela.
Lehendakariak Errusiaren inbasioa gaitzetsi eta bide diplomatikoak jorratu behar direla azpimarratu du:
Elkartasuna, zenbakitan
Osasun alorrean, 3.101 pertsonak eskuratu dute Osakidetzaren osasun txartela (aldi baterakoa zein OTI arrunta) eta 570 lagunek jaso dute laguntza psikosozial pertsonalizatua.
Hezkuntza alorrari dagokionez, Ukrainako 1.027 haur eta nerabe matrikulatu dituzte EAEko ikastetxeetan. Halaber, eta Aukerak Suspertzen programari esker, 69 adingabe errefuxiatuk jaso dute eskolaz kanpoko errefortzua. Era berean, 532 nagusik eman dute izena Hizkuntza Eskola Ofizialetan edota Helduen Hezkuntzako zentroetan.
Osasun eta hezkuntza alorreko datuak.
Laguntzak emateko 3 milioi euroko partida zuen Azken Sarea Indartzen Ukraina programari esker, 1.633 familiak jaso dute dirulaguntza ekonomikoa (denera, 1.690 eskaera izapidetu ditu Jaurlaritzak).
Azkenik, 12 hilabeteotan Ukrainatik etorritako 4.180 pertsonak eskuratu dute aldi baterako babes estatusa Euskadin.
Errefuxiatu estatusa duten ukrainarren kopurua.
Balorazio kualitatiboari dagokionez, Jarraipen Mahaiak ondorioztatu du urtebeteko elkartasun esperientzia hori "positiboa" izan dela, "zailtasunak eta ziurgabetasunak gorabehera". "Balorazio horrek soila, zuhurra eta hiperbole eta autokonplazentzia bakoa izan behar du: egin behar zena egin da, besterik ez", horren arabera.
Bestalde, gogorarazi duenez, Euskadik "euren bizi prozesuak hautsita ikusi dituzten pertsona errefuxiatuen bidegabeko sufrimenduari" erantzun dio. "Elkartasuna gorabehera, sufrimendu sakon hori hor dago. Ezein baloraziok errealitate hori izan behar du", azpimarratu dute agirian.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.