Umeei emandako tratu txarrekin lotutako 100 salaketa baino gehiago jaso ditu Zeuk Esan zerbitzuak
Gurasoek nahiz tutoreek haurrei emandako tratu txarrekin lotutako 100 salaketa baino gehiago jaso ditu Zeuk Esan haurtzaroari eta nerabezaroari arreta eskaintzeko Eusko Jaurlaritzako zerbitzuak. Gehienak (86) helduek egindako salaketak izan dira, eta bakarrik 18 biktimek beraiek egindakoak izan dira. Eusko Jaurlaritzako Berdintasun, Justizia eta Politika Sozialeko Sailaren menpe dagoen Zeuk Esan zerbitzuak 2022ko txostenean jasotako datuak dira.
Zeuk Esan telefonoak iaz jasotako deiak 1.319 izan ziren, horietatik 527 adingabek egindakoak izan ziren, 484 helduek eta 47, berriz, profesionalek egindakoak.
Kepa Torrealdea psikologo klinikoa eta Zeuk Esan zerbitzuaren koordinatzaileak azaldu duenez, 0 eta 18 urte bitartekoentzako zuzenduta dago zerbitzua, baina 12 urtetik gorako haurren deiak bereziki jasotzen dituzte. Gainera, esan duenez, deigarria da amek egindako dei kopurua, euren seme-alabak pairatzen ari diren bullying egoeragatik kezkatuta.
Zeuk Esan zerbitzura ikastetxeetako irakasleek ere deitu dute, "ikasleen artean jarrera susmagarriak atzematen dutenean bereziki, gazteak gogogabetuta dabiltzalako edo etxean zeozer gertatu zaielako". Zerbitzu horretan gizarte langileekin hitz egiten dute, psikologoekin, eta zenbaitetan, abokatuekin.
Zeuk Esan zerbitzuaren esku-hartze gehienak telefono bidez dira, baina baita online, Instagram nahiz posta elektroniko bidez. Azken horiek 12 orduko epean erantzuten dira (24 ordutan asteburua bada). Kontsulta ohikoena telefonoren bitartez izaten da. 527 adingabek deitu zuten iaz: horietatik 328 dei 16 eta 17 urte arteko gazteek egindakoak izan ziren, 161 dei 12 eta 15 urteko bitartekoek egindakoak, eta 38 dei 12 urtetik beherako haurrek.
Adingabeei "entzuten diete, erabakiak hartzeko gomendioak eman, eta euren arazoaren gakoak aurkitzen lagundu", Torrealdeak azaldu duenez. Sarritan, "barrukoa husteko eta lasaitzeko baino ez" dute deitzen.
Euren ahotsan "larritasuna" atzematen dutenean, profesionaletara bideratzen dituzte adingabeak, eta oso ezohiko kasuetan, Ertzaintzara (iaz bakarrik bi), esaterako, suizidio saiakera edo gurasoen partetik utzikeria egoera atzematen denean.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.