Elkarretaratze jendetsua Villabonan, bikote batek pairatutako eraso homofoboa gaitzesteko
Herritarrek eta hainbat erakundetako ordezkariek elkarretaratzea egin dute gaur, asteburuan Villabonan bikote batek pairatutako eraso homofoboa gaitzesteko. Erakundeetako ordezkariekin batera, erasoa jasan zuen bikotea ere ekitaldian izan da.
Elkarretaratzea Amasa-Villabona eta Zizurkil lotzen dituen oinezkoentzako zubian egin da, LGTBIfobiaren aurkako Nazioarteko Egunean. Bertan, erasoa jasan zuen bikotea ere izan da, erakundeetako hainbat ordezkarirekin batera.
Bikoteak "pertsona bakoitzak nahi duena pentsatu, esan eta maitatu ahal izateko" askatasuna defendatu du ekitaldian. Era berean, Euskadin izandako harrera ona nabarmendu nahi izan du, erasotzaileak "gutxiengoa" direla azpimarratuz: "Ez dira guztiak, gutxi batzuk baizik".
Bestalde, Zizurkilgo eta Villabonako alkateek gertatutakoa salatu dute, eta "aniztasunaren" eta "edozein pertsona lasai eta seguru bizitzeko" herri "plural" baten aldeko apustua egin dute.
Herrietako ordezkariez gain, honako kargudun publiko hauek ere hartu dute parte: Nerea Melgosa, Berdintasun, Justizia eta Gizarte Politiketako sailburuak; Jose Antonio Ranz, Giza Eskubide, Memoria eta Lankidetzako sailburuordeak; Monika Hernando, Giza Eskubide, Biktima eta Aniztasuneko zuzendariak; eta Xabier Legarreta, Migrazio eta Asiloko zuzendariak.
Eraso homofoboa
Kolonbiatik etorritako bikoteak festa-gaua zuen Villabonan, eraso jasan zuenean. "Marikoiak, atzerritarrak, hau ez da zuen lekua; alde hemendik!" oihuen artean, bietako bat botila batekin zauritu zuten. Biktima Donostia Ospitalera eraman behar izan zuten larrialdietarako zerbitzuek.
Lekuko baten arabera, erasoa 04:30 aldera gertatu zen, bat-batean, inolako arrazoirik gabe. Horren hitzetan, "homosexualak zirelako" egin zieten eraso.
Erasotzailea identifikatuta
Eusko Jaurlaritzako Segurtasun sailburu Josu Erkorekak agerraldia egin du asteazken honetan komunikabideen aurrean, Orioko hilketa matxistaren ikerketatik ateratako lehenengo ondorioak ezagutarazteko. Kazetariek egindako galderei erantzunez, iragan asteburuan Villabonan izandako eraso homofoboaz ere mintzatu da.
"Hasieran, goizaldeko borroka baten edukia izan zuen bakarrik. Maiz izaten dira horrelakoak. Gorrotoarekin zerikusia duen arrazoirik, baina, ez da azaltzen momentu horretan, gerora datoz, eta orain ikertu eta baloratuko egin behar dira", adierazi du.
Segurtasun sailburuak erantsi du Ertzaintzak "liskarrean" parte hartu zuten pertsona guztiak identifikatu zituela hasieratik, "erasotzailea bera ere".
Albiste gehiago gizartea
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.