Gasteizko TAO berriak Judimendi, Adurtza, Arana, San Kristobal eta Done Jakue auzoetako 46 kale hartuko ditu
Gasteizko TAO berria gaur, ekainak 1, jarri da martxan, eta Judimendi, Adurtza, Arana, San Kristobal eta Done Jakue auzoetako 46 kale berri hartuko ditu. Guztira, 3.300 aparkaleku dira, gehienak Arabako hiriburuko eremu horietako biztanleentzat.
Saray Zarate Mugikortasun eta Espazio Publikoen koordinatzaileak eman zuen zabalkuntza horren berri, atzo, Gasteizen egindako prentsaurrekoan.
Sistema berriak parkimetro digitalak ditu, txartela "modu erosoagoan eskuratzeko eta ordainketak arinago egiteko". Parkimetro berriek kolorezko pantailak dituzte, goialdean jarritako eguzki plaken bidez kargatzen dira, eta kontrola digitala da, kamera duten ibilgailu elektrikoen bidez egiten baita.
Aurten geratzen diren hilabeteetarako egoiliar txartelak 25,68 euro balio du, eta urte osokoak 43,80 euro. Bestalde, Udalak jakinarazi duenez, karga txartelak ezingo dira erabili parkimetro berrietan, eta, beraz, herritarrek San Martingo udal bulegoetara joan beharko dute txarteleko saldoa itzultzeko eskatzera.
Bestalde, Trafiko Zerbitzuak gogorarazi du hainbat aplikazio daudela herritarren eskura, TAO sakelako telefonotik kudeatzeko eta ordaintzeko.
Gasteizko Udalak TAO berriari buruzko informazioa areagotu du, kartelak jarriz, liburuxkak banatuz eta kalean bertan ere karpak jarriz, "bizilagunei behar duten informazio guztia helarazteko eta zalantzak argitzeko".
Informazio gehiago behar izatekotan, Gasteizko Udalaren webgunea kontsulta dezakezu.
Zure interesekoa izan daiteke
Azpeitiko sutean kaltetutako bi lagunei alta eman eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Orain, Udaleko teknikariek eraikinaren egoera aztertuko dute, hartu beharreko neurriak zehazteko eta sutea zerk eragin duen ikertzeko.
Aldaketak Bilboko trafikoan datorren astelehenean, Itzulia Basque Country 2026 dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.