Egunean ahuakate bat jateak dietaren kalitate orokorra hobetu dezake, ikertzaile estatubatuarren arabera
Egunean ahuakate bat jatea onuragarria dela eta dietaren kalitate orokorra hobetu dezakeela ondorioztatu du Ameriketako Estatu Batuetako Penn State Unibertsitateko Nutrizio Saileko ikertzaile talde batek.
Ikerketa duela gutxi argitaratu dute Current Developments in Nutrition aldizkarian, eta Kristina Petersen Nutrizio Zientzietako irakasleak eta Penny Kris-Etherton Evan Pugh Unibertsitateko Nutrizio Zientzietako katedradun erretiratuak egin dute.
Ahuakateak dietaren kalitatean nola eragiten duen aztertu dute Penn State Unibertsitateko Nutrizio Saileko ikertzaileek. "Ikusi nahi genuen elikagai honen eguneroko kontsumoak dietaren kalitatea hobetzen laguntzen duen ala ez", adierazi du Petersenek.
Zehazki, ahuakatea jatearen eta dietaren kalitate orokorraren artean kausa-efektu bat ote dagoen jakin nahi zuten.
Guztira, 1.008 lagunek parte hartu zuten 26 aste iraun zuen ikerketan, bi taldetan banatuta. Talde bateko kideek ahuakatearen kontsumoa mugatu zuten, eta besteek egunean ahuakate bat jan zuten.
"Egunean ahuakate bat jan zutenek dieta egiteko atxikimendua handitu zuten, eta horrek iradokitzen du ohitura horrek lagun dezakeela dieten kalitatea hobetzen", azaldu du Petersenek.
Ikertzaileek onartu dute ez direla harritu ahuakatea jateak dietaren kalitatea hobetzen duela ikusita, baina egiaztatu dute elikagai hori kontsumitu dutela hain osasungarriak ez diren beste batzuk ordezkatzeko.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.