San Prudentzio jaiak iragartzeko pregoia emango du gaur Teresa Ibañez aktoreak
Lau egun falta dira Arabako zaindariaren egunerako, eta gaur emango du San Prudentzio eta Estibalizko Andre Mariaren omenezko jaiak iragartzeko pregoia Teresa Ibañez aktoreak (Murgia, 1944) Probintzia plazan. Ekitaldia 20:00etan hasiko da eta bertan parte hartzera animatu dituzte herritarrak.
Pregoilari gisa aukeratuta, Teresa Ibañez aktoreak antzerkian, zineman eta telebistan egindako ibilbide nabarmena eta genero berdintasunarekiko duen konpromisoa aitortu nahi izan dute.
Pregoia zuzenean jarraitu ahalko da Radio Vitorian, eta, streaming bitartez, Arabako Foru Aldundiaren webgunean.
Ondoren, Lautadako Orkestra taldearen emanaldia izango da.
Bestalde, ohi bezala, San Prudentzio jaietako danborrada eta erretreta, zuzenean, ikusi ahalko dira ETB1en eta eitb.eus-en.
Hona hemen 2024ko San Prudentzio eta Estibalizko Andre Mariaren jaien programazioa, osorik:
Apirilak 24, asteazkena
20:00etan: Pregoia, Teresa Ibañez aktorearen eskutik Probintzia plazan
Segidan: Lautadako Orkestra
Apirilak 26, ostirala
22:00 Corazon Oxidado tributu taldearen kontzertua Probintzia plazan
Apirilak 27, larunbata
12:30-14:30 II Gasteizko Dantza Txapelketa Probintzia plazan
20:00-21:00 Erretreta Plaza Berrian
21:00-22:00 Erretreta Probintzia plazan
22:00 Ikuskizun piromusikala
23:30 Danborrada Probintzia plazan
00:30 Kontzertua Joselu Anaiak taldearen eskutik
Apirilak 28, igandea (San Prudentzio eguna)
GASTEIZ
9:00 Zortzikoa Arabako Foru Aldundiko txistularien eta tronpetarien bandaren eskutik
12:00 XLIII. Danborrada "Biznietos de Celedon" taldearen eskutik
17:30 Haurren Danborrada Gasteizko kaleetan
18:30 Haur animazioa: DJ Raizti
ARMENTIA
11:00 Prozesioa Basilikaren kanpoko aldean eta, ondoren, meza
12:00 Ohorezko aurreskua eta Zortzikoa
12:00-13:00 Haur animazioa: DJ Kaktus
12:00-15:00 Puzgarriak
12:30 Araba Dantzarien Biltzarra. Parte hartzailea: Haize Dulantzi Dantza Taldea
12:30 Herri Kirolen erakustaldia
18:00 Dantzaldia ENZISK2 taldearekin
Apirilak 30, asteartea
20:30 "Kolpez Blai" batukada hiriaren erdialdetik
22:00-23:30 Kontzertua: Noites de Rock e Meigas taldearen "Treboada" ikuskizuna Probintzia plazan
Maiatzak 1, astelehena (Estibalizko Andre Mariaren eguna)
09:00 Aire zabaleko pintura azkarraren XXIX. lehiaketa
9:00-16:00 Desagrabioen 5. Azoka Erdi Aroko Arabak antolatuta
10:00-14:00 Haurrentzako tailerrak zelaian
10:30-13:30 Txoripanak egiteko haurrentzako tailerra
11:00 XXX. Arabako patataren sukaldaritza lehiaketa
11:00 Esgrima erakustaldia
11:00 Meza. Gasteizko Vicente Garcia abesbatzarekin
11:00-13:00 Kalejira
11:30 Haurrentzako bisita: "El Misterio de los Canecillos"
12:00 Zeinu hizkuntzako meza
12:00-15:00 Haurrentzako puzgarriak
12:30 Herri kirolen erakustaldia
12:30 Euskadiko aurresku eta dantza solteko XXXI. txapelketa Harrera zentroan
13:30 Haurrentzako bisita: "El Misterio de los Canecillos"
14:30 Herri bazkaria eta haragi gisatu eta pataten 1.300 anoa banatuko zaizkie bertaratutakoei
16:00-17:00 KIKI eta KOKO pailazoak zelaian.
14:00 -17:00 Pintura erakusketa: Aire zabaleko pintura azkarraren XXIX. Lehiaketara aurkeztutako lanak.
16:00-16:30 Pintura lehiaketako sari banaketa Harrera zentroan
17:00 Arabako V. arabar bolo-txapelketa tradizionala
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.