Aireportuak normaltasuna berreskuratzen ari dira
Goizetik Aenaren sareko aireportuei eragiten dien arazo informatikoak atzerapenak eragin ditu aireportuetan. Goizean zehar berreskuratu dute normaltasuna aireportuek. Intzidentziak eragina izan du Bilboko Aireportuko eta Iruñeko Aireportuko operazioetan, hegazkineratzeko edo fakturatzeko prozesuak eskuz egin behar izan baitira.
Loiun 30 hegaldi inguru atzeratu behar izan dituzte. Gaurko 148 operazio zeuden aurreikusita.
Iruñean, berriz, Madrilera zihoan hegaldia atzeratu dute.
Normaltasuna Aenan
Lehen orduko kaosaren ostean, Aenak normaltasuna berreskuratu du pixkanaka. Aireportu guztiak martxan daude, baina prozesu batzuetan ohi baino motelago ari dira, eta horrek atzerapen batzuk eragin ditu.
Iberia, Vueling eta Air Europa konpainiek ere jasan dute Microsoftek mundu mailan izandako erorketa. Aipatutako konpainiek ere normaltasuna berreskuratu dute goizean.
Kaosa nazioartean
Europako aireportuak ez dira kaosetik at geratu. Erresuma Batua izan da herrialde kaltetuenetako bat; izan ere, atzerapenak izan dira tren zerbitzuetan eta aireportuetan. Londresko lau aireportuetan, esaterako, arazoak izan dituzte.
Amsterdam, Erroma, Praga eta Edinburgoko aireportuek ere hainbat intzidentzia izan dituzte. Berlingo aireportuak bertan behera utzi ditu hegaldiak goizeko lehen orduan itzalaldi teknologikoagatik, eta arazoak izan ditu goiz osoan zehar.
Ameriketako Estatu Batuetan, American Airlines, United Airlines eta Delta Air Lines konpainiek bertan behera utzi dituzte hegaldi guztiak goizean, eta eguerdian hasi dira berriz ere operazioak egiten.
Singapurren, Indian eta Australian ere arazok izan dira. Erdialdeko Amerikan eta Hego Amerikan gutxiago nabaritu da Microsoften erorketa. Txinan, Gobernuak jakinarazi du ez dutela arazorik izan garraioan eta aireportuetan.
Zure interesekoa izan daiteke
Mancisidor ararteko hautatu dute, EAJ, PSE-EE eta PPren babesarekin, eta EH Bilduren oposizioarekin
Bere aurrekoak, Manuel Lezertuak, ekainaren 19an formalizatu zuen karguari uko egin ziola, eta harrezkero Ines Ibañez de Maeztu, jarduneko arartekoa izan da.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.