Lapurtutako txartelekin 90.000 euro baino gehiagoko iruzurra egin zuen sare bat desegin dute Bilbon
Guardia Zibilak eta Bilboko Udaltzaingoak lapurtutako banku-txartelak erabiliz 90.000 euro baino gehiagoko iruzurra egin zuen erakunde kriminal bat desegin dute. Operazioaren ondorioz, lau pertsona atxilotu eta zazpi ikertu zituzten, iruzurra, dirua zuritzea eta erakunde kriminal baten kide izatea egotzita.
Sareak "carding" izeneko metodoa erabiltzen zuen, hau da, lapurtutako banku-txartelen datuak eskuratzen zituen iruzurrezko erosketak egiteko. Sistema horrekin, inplikatuek gama altuko produktu teknologikoak erosten zituzten, batez ere sakelako telefonoak, eta gero Marokora bidali eta bertan merkaturatzen zituzten.
Lapurtutako 100 banku-txartel baino gehiago eta 13 telefono-linea erabili zituzten gazkileek, erosketak egiteko. Gailu asko Espainiatik kanpo aktibatu zituzten, eta beste herrialde batzuetara bidali zituzten, produktuak merkaturatzeko.
Bilboko bi establezimendu iruzurrean inplikatuta zeuden, eta sarearen burua, berriz, Zallatik jarduten zen. Guztira, 48 telefono, ordenagailuak, eskudirua, banku-dokumentazioa, nortasun faltsuak eta iruzurrekin lotutako beste material batzuk atzeman zituzten.
Ikerketaren jatorria
Operazioa iazko azaroan hasi zen, Valentziako telefonia mugikorreko banatzaile baten jabeak 9.490 euroko salerosketa susmagarriak salatu zituen eta. Erosketa horiek Danimarkako, Alemaniako eta Norvegiako banku-kontuetatik egin ziren, eta Bizkaiko eta Bartzelonako helbideetara bideratuta zeuden.
Salaketaren ostean, agenteek 31 iruzurrezko eskaera eta 11 telefono linea eta fikziozko identitate identifikatu zituzten. Gainera, sarearekin lotutako beste 41 bidalketa atzeman zituzten, batez ere Bilbon, Basaurin eta Leioan.
Bizkaiko Guardia Zibilearen zenbait unitatek eta Bilboko Udaltzaingoak miaketetan eta ikuskapenetan parte hartu dute. Gainera, banku-kontuak blokeatu eta Zallako, Bilboko eta Durangoko etxeetan erregistroak egin zituzten. Zenbait establezimendutan ere aurkitu zituzten laneko irregulartasunak.
Bestelako datu esanguratsu batzuk
Sareko lau kidek Diru Sarrerak Bermatzeko Errenta jasotzen zuten, eta lau urtean 128.000 euro pilatu zituzten laguntza publikoetan. Taldearen burua zen prestazio horren onuradun nagusia.
Zure interesekoa izan daiteke
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.