Debako liburutegiaren haurrentzako ordutegi murriztua aldatzeko Eusko Jaurlaritzak esku har dezan eskatu dute
Debako herritar talde bat aspaldidanik ari da mobilizatzen haurrek udal liburutegian sartzeko duten ordutegi murriztua salatzeko. Liburutegia Denontzat taldeak aurrerapauso bat eman du orain eta Eusko Jaurlaritzako Liburutegi Zerbitzura —udal liburutegien koordinazioaz eta kudeaketaz arduratzen da— gutun bidalketa masiboa egin du, auzian esku hartzea eskatzeko.
Debako Udal Liburutegian sartzeko hainbat ordutegi daude, adinaren arabera. Bi urtetik beherakoak ezin dira Debako Udal Liburutegian egon. 2 eta 6 urte bitartekoak 16:30etik 17:30era soilik joan daitezke, 7 eta 9 bitartekoak 16:30etik 19:00etara, eta 10-15 urtekoak 16:30etik 19:45era.
Liburutegia Denontzat taldea Debako liburutegia "hobetzeko" asmoz sortu zen. Besteak beste, eskatzen dute udal liburutegia erabiltzeko araudia alda dezaten, herriko umeek eta nerabeek liburutegia gainerako adin taldeek bezala erabiltzeko aukera izan dezaten.
Debako Udalaren erantzuna
Debako Udalak ohar bidez azaldu duenez, "ez du nahi eta ez da polemika gehiagotan sartuko", baina argi utzi nahi du, beste behin, egoera hau ez dela "Udalaren edo udal gobernuaren kapritxo bat".
"Liburutegiak 20 urte baino gehiago daramatza zabalik eta araudia urte horietako esperientzia eta gertakarien isla da eta helburu bakarra du nagusi: espazioa modu errealistan eta erabiltzaile guztientzat ahalik eta modurik onenean kudeatzea", gaineratu du.
Udal liburutegia erabiltzeko araudia aldatuz gero "desoreka berriak" sor daitezkeela ohartarazi du Udalak, eta horrek "dagoeneko mugatua dagoen espazio honetako bizikidetza" zailduko litzateke.
Albiste gehiago gizartea
Getxoko Areetako hondartza hustu dute lehergailu bat izan zitekeen objektu bat agertu ostean
Pertsona batek "objektu herdoildu bat" aurkitu du itsasertzean, 10:30ean, eta abisua eman du. Ertzaintzako artezilariek ezingo dute ezer egin gauean marea jaitsi arte. Hori dela eta, Ertzaintzak eta Getxoko Udaltzaingoak hondartza itxita izango dute.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.