Palestinaren aldeko manifestazioa egin dute Iruñeko kaleetan
Palestinarekin Elkartasuna plataformak antolatuta, ehunka lagun bildu dira ostiral arratsaldez Iruñean, Palestinari babesa adierazteko manifestazioan.
"Atzo Bilbon, Donostian eta Gasteizen egin genuen, eta gaur Iruñean. Helburua argia da: Israelen izaera genozida salatzea, eta salatzea ez dela inoiz gelditu, ezta su-etenarekin ere", azaldu du Manex Mailharin Palestinarekin Elkartasuna taldeko bozeramaileetako batek.
Manifestazioaren bidez, "Palestinako herriari eta erresistentziari babes irmoa" erakusteaz gain, "irtenbide bakarra Israelgo Estatua desagertzea" dela adierazi dute.
Deitzaileek Israelekin "harreman guztiak hausteko presioa" egitearen alde egin dute. Bertan salatu dutenez, Israelen erasoak "ez dira gertaera isolatuak" eta Israelek "proiektu kolonial, arrazista eta espantsionista" du.
"Uste dugu borroka ez dela erakundeetatik etorriko, kasu askotan Israelen menpe daudela uste baitugu, guk jendeari egiten diogu dei presioa egin dezan", adierazi du Mailharinek.
Manifestariak Iruñeko Errekoleten plazan bildu dira 18:30ean, Palestinako bandera ugari, eskuorriak eta kamiseta errebindikatzaileak eskuetan. Handik abiatuta hainbat kale zeharkatu ondoren, San Frantziskora iritsi dira, eta bertan irakurri dute manifestua.
Besteak beste, "Palestina askatu", "Israel hiltzailea, PSOE babeslea" eta "Israeli boikota" oihukatu dituzte. Manifestazioaren buruan "Israel Genozida" zioen pankarta bat eraman dute.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.