Frantziako Barne ministroaren hitzek haserrea eragin dute Iparraldean etorkinei laguntzen dieten elkarteengan
Bruno Retailleau Frantziako Barne ministroak Ipar Euskal Herria bisitatu zuen atzo. Mugako kontrolak gutxienez beste sei hilabetez luzatuko direla iragarri zuen eta ohiko argudioei -terrorismoaren zein droga-trafikoaren kontrako borroka- beste bat ere gehitu zien: "presioa migratorioari aurre egitea". Europar Batasunean "kanpo zein barne hesiak behar" direla esan zuen eta mugetan migranteei laguntzen dituzten elkarteez esan zuen "elkartasunaren faltsuaren itzalean, migratzaileen trafiko higuingarria" sustatzen dutela.
Hitz horien aurrean, haserre mintzatu dira gaur Ipar Euskal Herriko hainbat eragile.
Amaia Fontang Etorkinekin Diakite kolektiboko kideak ohartarazi du mugetan poliziaren kontrolak areagotzea ez dela migrazio krisia gainditzeko irtenbidea: "Gogortze handi bat bada, migrazioaren kontrako politikak hor dira, baina ezartzen dituzten poliziak ezartzen dituztela ere, Migrazioak jarraitu egingo du migrazioa bultzatzen duten arrazoiek hor jarraitzen baitute: pobrezia, gerrak..."
Peio Dufau EHBaiko diputatuak ere Ipar Euskal Herrian pertsona migranteekin lan egiten duten elkarteen lana babestu du. Frantziak hartzen dituen erabakiak hartzen dituela ere, Iparraldeak "harrera herria" izaten jarraituko duela adierazi du eta beti egongo dela Retailleau eta eskuin muturraren erabakien aurka. Dufauk adierazi du "Ipar Euskal Herria, Euskal Herri osoa bezala, antifaxista" dela.
Aitzitik, protestei indarra kendu dienik ere bada. Henri Levrero Iparraldeko alderdi errepublikanoko arduradunak, esate baterako, X sare sozialetan idatzi duenez, atzo hainbat elkartek ministroaren bisitaren aurka deitutako protestak porrota izan ziren, eta erridikulizatu egin du bildutako jende kopurua.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoa (MIT) lehen postuan mantentzen da hamalaugarren urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.