Danborrada eta erretreta doinuak, egun handiaren bezperan
San Prudentzio Arabako zaindariaren eta Estibalizko Andre Mariaren egunak ospatze aldera, festa giroan murgilduta daude arabarrak apirilaren 24tik, 80 bat proposamen dituen egitarau zabal batekin, eta bi urtemuga garrantzitsu tarteko: Danborradaren 50. urteurrena eta Erretretaren mendeurrena. Gaur bertan ospatuko dituzte biak.
Danborradak nobedade aipagarri bat dakar aurten, ordua aurreratu baitu; 19:00etan hasiko da, azken urteetako ikusle hutsunea konpentsatzeko.
20:00ak eta 21:00ak bitartean, 15 minututik behin entzungo dira erretreta doinuak. 22:00etan, musika eta su artifizialak uztartzen dituen ikuskizun batek hartuko du lekua.
Festa gosez daudenek Joselu Anaiak ikusi eta entzuteko aukera izango dute Arka plazan, 00:30etik aurrera.
Bihar, San Prudentzio, jaieguna izango dute Araban. Armentiako igoera, Zortzikoa, prozesioa, meza, herri kirolak, haurrentzako jolasak eta musika izango dira protagonista. 18:00etan, Niña Coyote eta Chico Tornadoren zuzenekoa hasiko da.
Bestalde, umeentzako danborrada hirigunean izango da. 150 bat haurrek hartuko dute parte.
Danborrada eta Erretreta zuzenean izango dira ikusgai eitb.eus atarian.
Eguraldiaren iragarpena
Hodei asko espero da gaurko, egunaren lehen zatirako batez ere. Arratsaldean, argitzera egingo du. Tenperatura baxuenak jaitsi egingo dira, eta maximoak 12 graduren bueltan geratuko dira.
Astelehena eguzkitsu etorriko da, eta udaberri giroa izango da nagusi egun osoan zehar.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.