Hilik aurkitu dute asteartean Gorbeian galdutako mendizalea
Bilaketa lanak uste baino gehiago luzatu dira, ez baitzen baimenik eman desagertuaren telefono mugikorra geolokalizatzeko.
Ertzaintzaren helikopteroak atzo, asteazkena, 20:30ak aldera, aurkitu zuen asteartetik Gorbeian galduta zegoen gizonaren gorpua. Helikopteroak aurkitu zuen, iristeko zaila den gune batean. Lehen zantzuen arabera, mendizaleak erorikoa izan zuen.
Bilaketa-operazioa uste baino gehiago luzatu da, epaileak ez baitzuen baimendu desagertuaren telefono mugikorra geolokalizatzea. Baimenik ez emateak haserrea eragin du senideen artean, baita bilaketa dispositiboan bertan ere, goizaldetik ari baitziren Gorbeiako Parkea miatzen gizona aurkitzeko.
Familiak Ertzaintzari azaldutakoaren arabera, desagertutakoaren telefono mugikorrak seinalea ematen jarraitzen zuen, baina inork ez zien deiei erantzuten. Hala ere, gailua geolokalizatu ahal izateko epaile baten baimena behar zen, eta auzitegiak ez zuen eskaera hori onartu.
Dispositiboko iturriek adierazi dutenez, antzeko kasuetan baliabide hori erabiltzeko baimena eman izan dute, eta horrek asko errazten ditu lokalizazio-lanak. Oraingoan, 15:00ak aldera jaso zuten epailearen ebazpena, baina ezezkoa izan zen, eta horrek bilaketa taldearen lanak zaildu ditu, ezin izan baitzuten terminalaren seinalearen arabera eremua mugatu.
Gizarteari buruzko albiste gehiago
Legez kanpoko 3.800 tabako-pakete atzeman dizkiete Bilboko aireportuan Armeniatik zetozen bi bidaiariri
Guardia Zibilak kontrabandoko 3.800 tabako-pakete atzeman ditu Bilboko aireportuan, Armeniatik zetozen bi bidaiariren maletetan. 1.900 bana pakete zeramaten. Kontrabandoan aritzea egotzi diete biei.
Zizur Nagusian emaztea hiltzeagatik atxilotutako gizona ondorengo orduotan eramango dute epailearen aurrera
Ikerketako iturriek baieztatu dutenez, atxilotutako gizonezkoak alzheimer gaixotasuna du eta litekeena da osasun-zentro batean ingresatzea.
Itsasadarraren azpiko tunela egiteko proiektua "modu irregularrean eta presaka" onartu izana salatu dute
Subflubiala Ez plataformak, eta Artaza institutuko eta Erromo ikastetxeko guraso elkarteek salatu dute Bizkaiko Foru Aldundiak proiektua onartu duela, alegazioak aurkezteko epea oraindik zabalik dagoenean.
Agertu barik dagoen 77 urteko emakume baten bila dabiltza Barrundian, Araban
16:00ak inguruan, haren senide batek jakinarazi du emakumea etxetik atera dela eguerdian, eta ordutik ez dutela haren berririk.
78 urteko emakume baten hilketa indarkeria matxista gisa ikertzen ari dira Nafarroan
Ikerketako iturriek jakinarazi dutenez, biktimaren senarrak eman du emaztearen heriotzaren berri. Gizona atxilotu dute.
Francis Diez pregoilaria eta Olatz Agirre txupinera, Aste Nagusirako prest
Pregoilariak, Francis Diezek, Doctor Deseo musika taldeko abeslariak, adierazi duenez, "erantzukizuna hartzeko unea zen", eta "gozamena eta betebeharra" bateratzen saiatuko da, "izarra" alde batera utzi eta jaietan jendearen esanetara egoteko. Bestalde, Olatz Agirre txupinerak, Txori Barroteko konpartsakideak, "Bilboko eta inguruko herritarrei, merkatariei eta langileei" gonbitea luzatu die, txupinazoa bota ondoren, jaiez goza dezaten eta parte har dezaten, "pertsona guztientzako lekua dagoelako". "Txori Barrotekoa naiz, baina aurten ez naiz beltzez eta zuriz jantziko, gorriz eta zuriz baizik, konpartsa guztiak eta herri osoa ordezkatzeko", nabarmendu du.
Epaiaren zain gelditu da Beloradoko moja ohien aurkako epaiketa
Bi aldeei entzun ondoren, Briviescako epaileak erlijioso ohiak monasteriotik ateratzeari buruz erabaki beharko du. Kaleratzea atzeratu egin daiteke, epailearen erabakiaren aurka errekurtsoa jar daitekelako. Moja ohiek adierazi dute, kaleratzen badituzte, "komunitatean" erabakiko dutela zer egin, "eutsi ala borondatez alde egin".
Gizarte-langile bat hil dute Pontevedran, adineko bikote bat artatzen ari zela
Lehen ikerketen arabera, adineko senar-emazte batzuen etxebizitzan zegoela, gizonak erreminta batekin kolpatu eta hil egin zuen.
Diaspora, Mexikon
Amerikan 71 milioi herritarrek dute euskal abizena. Hurrengo egunetan, euskal migrazioaren garai eta puntu estrategikoak aztertuko ditugu, Mikel Reparazen eskutik. Gaur, Mexikon izan gara.
Iñaki Williams: "Ultraeskuina modan dagoela dirudien honetan, ahotsa dugunok lanean, erantzuten eta hesiak botatzen jarraituko dugu"
Iñaki Williamsek, denboraldi honetan Athleticen historiako lehen kapitain beltza izango denak, prentsaurrekoan azpimarratu duenez, futbolak ematen dien oihartzunak aukera ematen die bizimodu hobe baten bila datozen pertsonek "hemen" egiten dutena azaltzeko.