Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.
Itzulera Operazioa nabaria da: auto-ilara luzeak sortu dira euskal errepideetako hainbat puntutan
Oporretatik buelta askoz ere modu mailakatuagoan egiten denez azken urteotan, bi asteburuz izango dute aktibo dispositiboa: abuztuaren 21etik 24ra, eta 28tik 31ra.
EFEren artxiboko irudi bat
Gakoak
Gaur hasiko da Itzulera Operazioaren lehen asteburua. Dispositiboa martxan egongo den egun horietan, seinaleztapen-dispositibo berezia jarriko da Armiñongo lotunean, AP-1 autobidearen eta A-1 autobidearen arteko lotunean.
Beste puntu kritiko batzuetan ere jarriko da arreta berezia, Gipuzkoan, AP-8an, Biriatuko ordailekuan, eta A-8 autobidean, Bizkaiko zatian, trafikoa geldoa izatea aurreikusten da eta, Kantabriatik datozen auto kopuru handiaren ondorioz.
19:27
A1ean ere nabaritzen hasi da trafikoa, Gasteizen, Irungo noranzkoan
A1 autobideko 352. kilometroan, N-622 errepideko lotunean, Arabako hiriburuan, 5 kilometroko auto-ilarak daude.
18:10
Auto-ilarek handitzen jarraitzen dute Irungo Ap-8an, Baionarako noranzkoan: 9 kilometro dira jada
17:49
7 kilometrorainoko auto-pilaketak Ap-8an, Irunen, Baionako noranzkoan
Apurka-apurka, auto-ilarak handitzen ari dira puntu honetan.
17:35
3 kilometrorainoko auto-pilaketak Ap-8an, Irunen, Baionako noranzkoan
16:35
Normaltasuna Ap-8an, Deban izandako istripuaren ostean
Normaltasuna bueltatu da Ap-8ara Deban, Irungo noranzkoan, bi ibilgailuren arteko istripu baten ondorioz errei bat itxi eta 8 kilometrorainoko auto-pilaketak izan ostean.
15:51
Istripua
Bi ibilgailuren arteko istripu bat izan da Ap-8an, Deban, Irungo noranzkoan. Horren ondorioz, errei bat itxi behar izan dute, eta 8 kilometrorainoko auto-pilaketak ematen ari dira.
15:45
Beste puntu kritiko batzuetan ere jarriko da arreta berezia, Gipuzkoan, AP-8an, Biriatuko ordailekuan, eta A-8 autobidean, Bizkaiko zatian, trafikoa geldoa izatea aurreikusten da eta, Kantabriatik datozen auto kopuru handiaren ondorioz.
15:45
Dispositibo berezia Armiñongo lotunean
Dispositiboa martxan egongo den egun horietan, seinaleztapen-dispositibo berezia jarriko da Armiñongo lotunean, AP-1 autobidearen eta A-1 autobidearen arteko lotunean, Gasteizko noranzkoan. Puntu horretan, konoen eta seinale berezien bidez, A-1eko hiru erreietako bat utziko zaie AP-1etik modu masiboan sartzen diren ibilgailuei, segurtasunez eta 80 kilometro orduko abiaduran errepidean sar daitezen.
15:24
Datarik kritikoenak abuztuko azken bi asteburu luzeak izatea aurreikusi du Jaurlaritzak, ostegunetik igandera, hau da, abuztuaren 21etik 24ra eta 28tik 31ra; izan ere, azken urteetan modu mailakatuagoan egiten da oporretatik buelta.
14:44
Lehenengo auto-pilaketak
Ertzaintzak EITBri jakinarazi dionez, 13:00etan 3 kilometroko auto-ilarak zeuden Gasteizen, A-1 eta N-622 errepideek bat egiten duten tokian, eta AP-8 autobidean, Biriatun, Baionara bidean.
10:41
Joan-etorri ugari goizean
Goizeko lehen ordutik ibilgailuen joan-etorria handia izaten ari da euskal errepideetako hainbat tokitan, eta lehen auto-ilarak sortu dira.
09:40
Abuztua aurrera doa eta etxera itzultzeko ordua gerturatzen ari zaie askori. Hala, gaur arratsaldean ekin zaio Euskal Autonomia Erkidegoan Itzulera Operazioari, 22:00ak arte.