Euriak gorabehera handiak eragin ditu zirkulazioan: istripu ugari eta errei-mozketak
Erandion (Txorierri) izan dira gertakari nabarmenenak, eta, ondorioz, auto-ilara luzeak izan dira Avanzada eta Arrontegin. Usurbilen, gainera, AP-8an gorabeherak izan dira, istripu baten ondorioz. Nolanahi ere, 09:00ak aldera ohikora itzuli da egoera.
Auto-ilarak ostegun honetan, euria dela eta. Argazkia: Trafikoa
Euri zaparrada mardulak direla eta, hainbat gorabehera sortu dira ostegun goizean Euskal Autonomia Erkidegoko (EAE) errepide sarean, bereziki lehen orduan. Hala, hainbat istripu izan dira, eta errei asko moztu; horrek eragina izan du zirkulazioan. Gertakari nabarmenenak Erandion jazo dira, Txorierrin, eta, ondorioz, auto-ilara luzeak izan dira Leioako errepidean eta Arrontegin. Gainera, Usurbilen, arazo handiak izan dira AP-8an, bi errei moztera behartu duen istripu baten ondorioz, Eusko Jaurlaritzako Segurtasun Sailak jakinarazi duenez.
Zehazki, N-637 errepidean, Erandio parean, Galdakaorako noranzkoan, hiru errei itxi behar izan dituzte lehen orduan izandako istripu baten ondorioz. Gertakari horrek bi kilometroko auto-ilarak eragin ditu inguruetan, baina zirkulazioa 08:30erako hasi da betiko martxan ibiltzen.
Gorabeherak izan dira BI-631 errepidean ere. Hainbat ibilgailuk istripua izan dute Zamudio parean, Bermeorako noranzkoan. Ondorioz, errepidea itxi behar izan dute eta auto-ilarak sortu dira inguruan. Orain, errei bat dago irekita.
BI-737 errepidean, Derioko biribilgunetik gertu, ibilgailuen arteko bi talka jazo dira Agirleta gainean.
AP-8an ere hainbat gorabehera izan dira, horietako bat Zornotzan, eta errei bat itxi behar izan dute. Usurbil parean ere, Irunerako noranzkoan, istripu bat izan da, eta, ondorioz, bi errei itxi dituzte eta auto-ilara luzeak sortu dira inguruan. Handik gutxira, trafikoa ohikora itzuli da. Zarautzen, Bilborako noranzkoan, bi ibilgailuk talka egin dute eta auto-ilarak sortu dira, errei bat itxi behar izan baitute.
Nolanahi ere, 09:00etarako euskal errepide sareko zirkulazioa normal antzean hasi da ibiltzen; izan ere, gorabehera gehienak lehen orduan gertatu dira.
Zure interesekoa izan daiteke
Dena prest Bilbon, Marijaia noiz iritsiko zain
Onintza Enbeita bertsolariak eta Kaixo konpartsako Ainhoa Urrejolak botako dute txupina. Orain.eus webguneak zuzenean eskainiko du Aste Nagusiaren hasiera 19:00etatik aurrera.
Mafiek Ceutako migratzaileekin trafikatzen dutela ohartarazi du Polizia Nazionalak
Angel Victor Torres Lurralde Politikako eta Memoria Demokratikoko ministroak koordinatuko du Espainiako Gobernuaren barruan Ceutako krisiak eragindako egoera.
Palestinarekin Elkartasuna elkarteak gogorarazi du Palestinako erasoek "ez dutela etenik" eta beste mobilizazio bat deitu du urrirako
Palestinarekin Elkartasuna plataformak deituta, manifestazioa egin dute ostiral honetan Bilbon, Palestinari elkartasuna adierazteko. Manifestariek salatu dutenez, su-etena hasi zenetik palestinarren aurkako sarraskia ez eteteaz gain, Israelgo Gobernuak Libanora eta Iranera zabaldu ditu erasoak. Urriaren 3an beste manifestazio bat egingo dute, Bilbon.
Lezoarrak kezkatuta daude Pasaiako portuko isuriekin eta neurriak eskatu dituzte
Azken sutearen ondorioz, leihoak ixteko deia egin diete agintariek. Horrelakoak eguneroko kontua direla salatzen dute eta elkarretaratzea egin dute udaletxe aurrean. Portuan lan egiten duten enpresek euren osasunaren kontura ateratzen dituztela etekinak diote eta agintariei neurriak hartzeko eskatu diete.
Riglosko sute handia kontrolpean dute, eta ebakuatuak etxera itzuli dira
Aragoiko Gobernuak babes zibileko gutxieneko mailara jaitsi du alerta azken ebakuatuak beren etxeetara itzuli ondoren, nahiz eta operatiboak lanean jarraitzen duen 14.500 hektareako perimetroa finkatzeko.
Sagardogileek sagar-bilketa aurreratu dute lehortearen ondorioz, eta aurtengo uzta % 30-35 txikiagoa izango dela aurreikusi dute
Uda lehorraren ondorioz, ekoizle batzuek uzta aurreratu dute, eta beste batzuek datozen egunetan ekingo diote bilketari. Kanpainaren emaitza irailean aurkeztuko dute Villabonako sagasti esperimentalean.
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urtez alkate izateak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik bada zer hobetu eta kontuan hartzeko moduko kezkak eta erronkak. Horren harian, konpartsekin gorabeherak izan arren, gaur egun harremana errespetuzkoa dela esan du. Jaia lehertzeko egun bakarra falta denean, alkateak ere urduri eta emozio handiz bizi ditu ordu hauek.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.