Oier Iñurrieta (Gasteiz), Oihana Arana (Eskoriatza), Elene Mengyu (Barakaldo), Beñat Jusue (Tutera), Aitzol Gil de San Vicente (Hendaia), Xalbat Alzugarai (Urepel) eta Leire Casamajou (Sohüta) gazteek osatu dute aurtengo mezua. "Euskara gara eta hemen gaude. Hemen gara eta euskaraz gaude. Aurrera goaz. Bazatoz?", aldarrikatu dute.
KORRIKA
Lehen aldiz, mezu kolektiboa izan da Korrikarena, Euskal Herriko zazpi lurraldeetako beste horrenbeste gaztek idatzitakoa. "Euskara gara diogu, ez euskara naiz. Komunitateaz ari gara", azpimarratu dute Oierrek, Oihanak, Elene Mengyuk, Beñatek, Aitzolek, Xalbatek eta Leirek. Amaitzeko, oraina eta etorkizuna jomugan jarri dituzte: "Aurrera goaz, bazatoz?".
KORRIKA
Euskal Herriko zazpi lurraldeetako gazte banak idatzi dute testua.
Zazpi gazteetako bat, lekukoa eskuan. EFE
Lekukoa udaletxera helduta, bertso gai-jartzailea eta irakasleak hartu du hitza.
Eurak dira, hain justu, aurtengo mezu sekretuaren egileak
Kontseiluko idazkari nagusiak azken aurreko kilometroa hartu du.
Eskisabel, hunkituta, lekukoarekin.
Han dira jada Korrikako arduradunak, Ane Elordi koordinatzailea tartean.
Gainezka daude dagoeneko Ernesto Erkoreka plaza, Udaletxeko zubia eta inguru guztiak, Korrika noiz helduko zain.
Besteak beste, Bilboko Konpartsek, EHUk eta Elkar argitaletxeak hartu dute lekukoa.
Bizkaiko Batzar Nagusien izenean, Ana Otaduik hartu du lekukoa.
Eudel ere ibili da tipi-tapa.
Uribarri auzoan barrena, ADEMBI Bizkaiko Esklerosi Anizkoitza elkarteko kideek hartu dute lekukoa.
Zerua hodeitsu egon arren, eguzki tarteak izan dituzte euskaltzaleek. Orain, baina, euria ari du berriro.
Oraindik ordubete baino gehiago falta da 2.750 kilometroa Bilboko udaletxe parera heltzeko, baina hasi da jendea gerturatzen.
Ernesto Erkoreka plaza betetzen hasi da. EITB
Oraintsu, 11:00etan, hasi da EITBk 24. Korrikaren amaierarako prestatu duen saioa. Zuzenean ikus dezakezue ETB1en eta, interneten, ETBON plataforman
Zaparrada eta zirimiri kontuak atzean utzita, eguzkiaren printzez gozatzeko aukera dute orain Txurdinagan barrena dabiltzan euskaltzaleek.
Besteak beste, Ibaizabal institutuko, Zamakola eskolako eta Abusu Ikastolako haur eta gazteek hartu dute lekukoa Bilboko auzo horretan.
Euskararen aldeko ekimenak badaki astiroago ere ibiltzen. Horren isla, Bilbo Zaharra auzoan gertatutakoa. Gurpildun aulkian zihoazen Kale Koloreko kideek hartu dute lekukoa
Eguzkia lagun izan zuten orduko hartan euskaltzaleek, 2015eko martxoaren 29an.
Errekalde igaro ostean, Ametzolan barrena ibili da Korrika, eta handik, Iralara eta Miribillara.
3.375 kilometroa egokitu zaio Bilboko museo ezagunari. Miren Arzalluz museoko zuzendari nagusiak, larrosez jantziako kideak ondoan, hartu du lekukoa
Espero bezala, jendetza batu da Bizkaiko hiriburuan, eta hala, aurreikusitakoa baino geldoago dabil euskararen aldeko lasterketa.
Besteak beste, Txinbotarrak konpartsak, Zorrotzako institutuak eta Bizkaiko Gizarte Lagintzaren Elkargoak dute kilometroa bertan.
Bilboko kaleak utzi, eta Athleticen estadioan sartu da lasterketa, eta harmailetan barrena ibili da.
Iribar atezain mitikoak estadio barruan egin du kilometroa, "Athleticen ere euskaraz" oihupean.
Enekuritik jaitsita, Bilboko ipar-mendebaldeko auzoak zeharkatu ditu Korrikak.
Atzerapenarekin bada ere, Enekuritik sartu da euskararen aldeko lasterketa.
Korrikak aldapan behera, Enekuritik barrena, egin ditu Bilboko lehen kilometroak
