Nortzuk dira Korrikaren mezua idatzi duten zazpi lagunak?
Korrikaren 24. edizioa aparteko ezustekoarekin amaitu da, pertsona batek barik zazpik idatzitako mezua irakurri baitute. Baina pertsona horiek ez dira Euskal Herri osoan ezagunak. Nortzuk dira?
Oier Iñurrieta Garmendia 25 urteko gasteiztarra (Araba) da mezua idatzi duenetako bat. Irakaslea lanbidez, Zunba Herrikoia izeneko proiektuan parte hartzen du, euskara aisialdi eremuan sartzeko asmoz. Hamaika amets bete ditu aurtengo edizioan: lekukoa eraman du, mezua idatzi du, mezua irakurri du…
Oihana Arana Cardenal eskoriatzarrak (Gipuzkoa) ere parte hartu du aurten mezuaren idazketan. Transfeminismotik euskaraz bizitzeko hautua egin zuen antropologiako ikasketetan ari zela, eta literaturan eta bertsolaritzan dihardu.
Elene Mengyu Larrinaga Bilbao Txinan jaio zen 2003an, eta urtebetera iritsi aurretik heldu zen Barakaldora (Bizkaia). Etxean Pirritx eta Porrotx entzun eta ikusten zituen, telebistan ETB3 ikusten zuen eta D ereduan ikasi zuen. Hala ere, AEKri esker lortu zuen euskara maila altuagoa, eta unibertsitate ikasketak ere euskaraz egin zituen. Euskaraz dakien lehenengo belaunaldikoa da familian, bere ahizparekin batera. “Ama hizkuntza gaztelera izan arren, ni euskalduna naiz amari esker”, aitortzen du berak.
Laugarren mezularia Beñat Jusue Rosano da, 28 urteko tuterarra (Nafarroa). Gazte-gaztetatik hasi zen euskararen alde militatzen, Euskararen Eguna, Gazte Eguna eta bestelakoak antolatzen. 22 urte zituenean, Union Tutera taldearen sorreran parte hartu zuen, euskara, parekidetasuna eta kultur integrazioa sustatzeko, eta Tutera erabat euskaldunarekin egiten du amets.
Aitzol Gil de San Vicente Pla 23 urteko hendaiarra (Lapurdi) 7 urterekin iritsi zen Lapurdira Donostiatik, familia-arrazoiengatik. Bernat Etxepare lizeoan piztu zitzaion euskararen aldeko militantziarekiko grina: “Euskaraz ikasteko eskubidearen aldeko borrokan, Ipar eta Hego Euskal Herria lotu gintuzten ikastolek, ikasle mugimenduak eta euskarak”. Medikuntza ikasketetan dabil egun, eta jendea euskaraz artatzea du helburu.
Urepeletik (Nafarroa Beherea) iritsi da Bilbora Xalbat Alzugarai Etxeberri. Berria egunkariko kazetariak aitortu du ia galdu zuela euskara nerabezaroan, baina Korrika bere herritik igarotzeak lagundu egin zion etxean jasotako hizkuntzara itzultzen. Eskolan engaiatu zen hizkuntzarekin, eta Basaizea elkartean militatu du.
Azkenik, Leire Casamajou Elkegarai sohütarra (Zuberoa) dugu. Ama hizkuntza frantsesa izanda ere, gurasoek egin omen zuten “euskaltzale, abertzale; gure hizkuntzaren eta herriaren aldeko militante”.
Zure interesekoa izan daiteke
Bi adingabe ikertzen ari dira Santurtziko jaietan 14 urteko mutiko bat sastatzeagatik
Biktima ospitaleratu egin dute, baina ez dago arriskuan; ustezko erasotzaileak adingabeentzako fiskaltzak deituko ditu.
Espainiako poliziak 150 realzale identifikatu ditu Atleticoko ultrekin borrokatzeko asmotan zirelakoan
Arrisku handiko partida da bi taldeetako zaleak aurrez aurre daudelako, eta milaka polizia eta guardia zibil daude Sevillan.
Sevilla txuri-urdina da
Realak Errege Kopako finala jokatuko du gaur gauean Atletico Madrilen aurka. Realzalek pasioz biziko dute jardunaldia, Sevillan zein Gipuzkoan.
Zer eragin izango dute trafikoan Donostiako Kopako finalaren inguruko ekitaldiek?
Donostiako Udalak segurtasun dispositibo berezi bat antolatu du larunbat honetarako aurreikusitako ekitaldien harira, bai finala dela eta, bai Realak kopa irabaziz gero egin litekeen harreragatik.
Uholde txuri-urdin batek Reala agurtu du Sevillarako bidaia ekin baino lehen
Realeko adin guztietako zaleek, mota guztietako jantzi txuri-urdinak jantzita, agur esan diote ostiral honetan talde donostiarrari, kantu, bandera, animo oihu eta bufanda artean, Sevillarako bidaiaren hasieran. Larunbat honetan jokatuko du Kopako finala Atletico Madrilen aurka.
Gipuzkoako 70 bat alkate Sevillara joan dira, ordezkari gisa, partidua ikustera
Realak berak gonbidatuta, alderdi politiko guztietako alkateak bildu ditu ekimenak. Helburua berbera da guztientzat: emaitza ona lortzea eta Kopa irabaztea.
Eusko Jaurlaritzak migratzaileen erregularizazioari buruzko gida argitaratu du
Tresna hori hainbat hizkuntzatan dago eskuragarri, eta Espainiako Gobernuak bultzatutako ezohiko erregularizazio-prozesurako sarbidea erraztea du helburu.
Bilboko Udalak erregularizazioarako 'kalteberatasun txostena' izapidetzen lagunduko die Bilbon bizi diren etorkinei
Astelehenetik aurrera, berariazko eta aldi baterako dispositibo bat jarriko du abian, immigranteak erregularizatzeko ezohiko prozesuaren barruan kasu batzuetan eskatzen den "kalteberatasun-txostena" errazago izapidetu dezaten Bilbon bizi diren etorkinek.
Voloteak Gasteizko eta Menorcako aireportuak lotuko ditu ekaina eta urria bitartean
Gasteiz eta Menorca arteko lotura ekainaren 1etik urriaren 31ra egongo da martxan. Erakunde sustatzailearen arabera, helmuga horrek aire-konexioa indartzen eta udako eskaintza dibertsifikatzen lagunduko du.
Bi foruzain 9 eta 6 hilabeteko kartzela-zigorrera kondenatu dituzte, Tuteran atxilotu bati eraso egiteagatik
Nafarroako Auzitegiak frogatutzat jo du agenteetako batek ziegetan jo zuela atxilotua, eta besteak ez zuela ezer egin. Biak inhabilitatu egin dituzte eta kalte-ordainak ordaindu beharko dituzte.