Gastroenteritis agerraldiak jotako gurutzaontzia astelehenean porturatuko da Getxon
Une honetan, gastroenteritis arrunta duten 17 pertsona daude ontzian isolatuta.
Norovirus agerraldiak jotako Ambition gurutzaontzi britainiarra astelehenean iritsiko da Bilboko Portura. Hain zuzen ere, Getxoko terminalean porturatuko da. Hainbat bidaiari gaixotu dira ontzi horretan, gastroenteritisak jota, eta horietako bat hil egin da.
Gaur goizean Gijongo (Asturias) El Musel portuan porturatu da, eta Kanpo Osasuneko zerbitzuak itsasontzira sartu dira ikuskapena egiteko eta bidaiarien osasun egoera baloratzeko, beren-beregi horretarako ezarritako kontrolei eta protokolei jarraikiz.
Espainiako Gobernuaren Ordezkaritzak jakinarazi duenez, 08:30ean eman diete bidaiariei lehorreratzeko baimena, behin segurtasun eta osasun baldintzak betetzen zituztela egiaztatuta.
Aipatu iturrien arabera, une honetan gastroenteritis arrunta duten 17 pertsona daude ontzian isolatuta.
Behin eginbeharrekoak eginda, Bilbora abiatu da gurutzaontzia 18:00etan. Getxora heltzen denean, osasun arduradunak bertaratuko dira, ontzia ikuskatzeko eta sintomarik gabeko bidaiariak lehorreratzeko, atzo Coruñan eta gaur Gijonen egin duten bezala.
Ambition gurutzaontzia Erresuma Batutik abiatu zen. Bertan, 92 urteko bidaiari britainiar bat gastroenteritisak jota hil zen. Une hartan, 50 pertsona inguru zeuden ontzian sintomekin eta, gaur egun, 17 pertsona daude isolatuta, norobirusak jota.
Zure interesekoa izan daiteke
LGTBI kolektiboaren aldarria Bilbon eta Iruñean, Homofobia, Transfobia eta Bifobiaren aurkako Nazioarteko Egunean
Trans pertsonenganako "indarkeria instituzionala" salatu dute Bilbon. Iruñean, berriz, "espazioak lasaitasunez okupatzeko eta bizitzeko" eskubidea aldarrikatu dute.
Gernikako lokutorio bateko langilea atxilotu dute, bezeroen eta lagunen 82.000 euro bereganatzea leporatuta
Ikerketako iturrien arabera, diru-bidalketak justifikatzeko erreziboak egiten bazizkien ere lokutorioko bezeroei, azken bi hilabeteetan ez zituen bidalketak gauzatu. Era berean, lagunei maileguak eskatu eta desagertu egin zen.
Osakidetzak kaltetu ugariko larrialdietarako duen protokoloa ezagutu dugu
Koordinazio zentrotik deia jaso bezain pronto jartzen dira martxan. Azkar eta koordinatuta aritu beharra dago, eta halako gertakarien aurrean prest egoteko, hainbat simulakro egiten dituzte urtean zehar.
Alacanteko eta Bartzelonako hantabirus kasu susmagarriek negatibo eman dute berriro
Horrela, hurrengo PCR proban emaitza errepikatzen bada, berrogeialdia etxean egiten jarraitu ahal izango dute.
Alacanten topatutako hiru gorpuak indarkeria matxista kasu gisa ikertzen ari dira
Doloresko Udalak hiru dolu egun ezarri ditu udalerrian jazotako "gertaera lazgarriagatik", eta jaietarako programatutako jarduera guztiak bertan behera uztea erabaki du.
Autobus batek emakume bat harrapatu du Iruñean
Zauritutako emakumea Nafarroako Unibertsitate Ospitalera eraman dute anbulantzian, hainbat kolpe baitzituen.
Emakume batek salatu du eraso egin ziotela Gasteizen nikaba erabiltzeagatik
Beste emakume bat jantzia kentzen saiatu zela eta aurpegian jo zuela salatu du.
Norovirusak kutsatutako 21 lagun daramatzan Ambition gurutzaontziak Galizia utzi eta Gijonerako bidea hartu du
Norobirus batek eragindako gastroenteritis-agerraldi izan duen Ambition itsasontzian zihoazen 1.600 bidaiarik barkutik ateratzeko baimena izan dute eta Galizian, A Coruñan, eman dute eguna. 21 pertsonak isolatuta jarraitzen dute, osasun protokoloak betez. 20:00etan Galizia utzi eta Gijonerako bidea hartu dute. Astelehenean, Bilboko Portuan egingo du eskala ontziak.
Palestinarrek euren herrialdean bizitzeko duten eskubidea defendatu du manifestazio batek Iruñean, 'Nakba' ren 78. urteurrenean
Yala Nafarroa plataformak deitu, ehunka lagun bildu dira Israelekin "harremanak etetea" eskatzeko berriro ere. Izan ere, antolatzaileek uste dute hori dela Gazako Zerrendan gertatzen ari den genozidioa gelditzeko neurri bakarra.