Andaluziako parte hartzea % 52,14koa izan da 18:00etarako, 2022an baino 7,6 puntu handiagoa
6.812.902 andaluziar deitu dituzte Andaluziako hauteskunde autonomikoetan botoa ematera, 2022an baino 171.046 gehiago. Parlamentua 109 diputatuk osatuko dute, eta 25 alderdik eta 3 koaliziok aurkeztu dituzte hautagaiak.
Andaluziako hauteskundeetako parte hartzea % 52,14koa izan da 18:00etarako, 2022an baino 7,6 puntu handiagoa.
Hamahirugarren hauteskunde autonomikoak egiten ari dira Andaluzian, eta PP da faborito nagusia inkestetan. Ikusteko dago, ordea, gehiengo osoa lortzen duen. Ziur asko parte hartzeak baldintzatuko du popularren gehiengoa.
Hartara, andaluziarrek gaur erabakiko dute sozialistarik gabeko hirugarren gobernua izango duten. Izan ere, PPko hautagai Juanma Morenok Voxekin egindako akordioei esker, PSOE "Andaluziako Gobernutik kanpo" utzi dute azken bi agintaldietan.
Hautagai nagusiek goizean eman dute botoa.
Juanma Moreno Andaluziako presidente eta Andaluziako popularren hautagaiak adierazi duenez, "sentsazio oso onak" dituela joan da bozkatzera, baina "dena irekita dago", eta "parte hartze handia" izatea espero du.
Maria Jesus Montero Andaluziako sozialisten hautagaiak "etxean ez geratzeko" eta botoa ematera "ilusioz" joan daitezela eskatu die boto emaileei, "egun oso garrantzitsua" delako.
Antonio Maillo Por Andalucia alderdiaren presidentegaiak "ilusioa eta mobilizazioa" eskatu ditu andaluziarrek datozen lau urteetan zer nahi duten erabaki dezaten.
Jose Ignacio Garcia Adelante Andalucia alderdiaren hautagaiak ere parte hartzeko deia egin du, eta babesa eskatu du "langileen, Andaluziako herriaren eta jende arruntaren alde".
Azkenik, Manuel Gavira Voxeko hautagaiak "lehentasunak argi dituen gobernu bat" behar dela esan du.
6,8 milioi andaluziar daude hauteslekuetara deituta
6,8 milioi andaluziar baino gehiago deitu dituzte Andaluziako Parlamenturako hauteskundeetan botoa ematera. Zehazki, 6.812.902 dira botoa ematera deitutakoak, 2022an baino 171.046 gehiago.
Hautesle horietatik 302.070 atzerrian bizi dira, baina XIII. legegintzaldirako Andaluziako Parlamentua osatuko duten 109 diputatuak aukeratzeko deitu dituzte. Guztira, 25 alderdik eta 3 koaliziok aurkeztu dituzte hautagaiak.
Zer du jokoan alderdi bakoitzak M17an?
Andaluziako Parlamenturako hauteskunde autonomikoek agertoki ezberdinak marraztu dituzte alderdi nagusi edo koalizioentzat.
Guztira 27 alderdi politiko daude, baina 13 baino ez dira aurkeztu barruti guztietan. Dena den, 5 alderdiren arteko lehia aurreikusten da: PP, PSOE, Vox, Por Andalucía eta Adelante Andalucia.
Ezkerraren gotorleku eraitsia, eskuinaren bastioi berria
Zure interesekoa izan daiteke
Donosti Cupen epaile lanetan ari zen ertzain batek eskoltatuta utzi du zelaia, jokalarien eta ikusleen jazarpenagatik
Epaileak partida bat behar baino lehen amaitu nahi zuen, jokalarien jokabidea bortitzegie zela iritzita, eta horrek jokalarien eta ikusleen haserrea piztu zuen. Donosti Cupeko antolatzaileek esan dutenez, "horrelako jokabideek ez dute lekurik gure txapelketan".
Pedraz epaileak Sanchezen kabineteburu eta Correoseko presidente ohia inputatu du Leire auzian
Epaileak argitu egin nahi du Serranok ikerketa judizialak oztopatzeko egindako ustezko ekintza batzuetan izandako parte-hartzea. Ildo horretatik, 2024ko apirilaren 26ko bilera bat eta Leire Diezekin izandako elkarrizketak daude, besteak beste, aztertutako jardueren artean.
Ermuko Udalak Miguel Angel Blancori egindako omenaldian ahanzturan ez erortzearen alde egin du
29 urte dira ETAk Miguel Angel Blanco bahitu eta hil zuela, euskal gizartean sekulako astindua eman zuen gertaera. Gaur bere jaioterrian, Ermuan, omenaldia eskaini diote, eta mezu bat zabaldu horrelako gertaerak ahanzturan ez geratzeko.
Jaurlaritzak uste du Feijoo Espainiako gobernuburu izatea "langileentzat arriskutsua" dela
Laneko absentismoari buruz Alberto Nuñez Feijook egindako adierazpen polemikoak hizpide izan ditu gaur Mikel Torres bigarren lehendakariorde eta Ekonomia, Lan eta Enplegu sailburuak. Horren iritzian, Feijook "ezjakintasun handia" erakutsi zuen, eta frogatuta geratu da Espainiako Gobernura iritsiz gero, "langileentzako arriskutsua" dela.
Correoseko presidente ohiak Leire Diezi kargu bat eman ziola uste du UCOk
UCOren arabera, Juan Manuel Serranok parte-hartze aktiboa izan zuen ikertutako gertakarietan, "bai SEPIren enpresa-eremuan etekinak lortzearekin lotuta, bai PSOEko kide jakin batzuen zein Espainiako Gobernuaren interesen defentsarekin lotuta".
Espainiako Gobernuak biktima gisa aitortu du Josu Zabala Erasun, duela 50 urte Guardia Zibilak tiroz hildako irundarra
"Arrazoi politiko eta ideologikoengatik jazarpena" jasan zuela, eta "aitortzarako eta erreparaziorako eskubidea" dio onartutako adierazpenak.
Fiskaltzak Begoña Gomezen absoluzioa eskatu du, deliturik egin ez zuela iritzita
Ministerio Fiskalak Gomezi pasaportea kentzearen aurkako helegitea aurkeztu du ere, eta Peinado epaileak hartutako beste erabaki batzuk "zentzurik gabekoak" direla adierazi du.
Jaurlaritzak "positibotzat" jo du Konstituzionalak euskarari buruz hartutako erabakia, eta Bilduk ohartarazi du "oldarraldia ez dela eten"
Ibone Bengoetxearen esanetan, EAEko Auzitegi Nagusiak oraindik erabaki behar du PPk eta Voxek Enplegu Publikoaren Legeari jarritako helegiteari buruz.
Sanchezek, Trumpen kritiken ostean: "AEBren eta Espainiaren arteko harremanak oso positiboak dira"
Espainiako Gobernuko presidenteak azaldu du Estatu Batuetako presidentearekin hitz egiteko aukera izan duela, azken horrek Espainia beste behin kritikatu eta gero. "Solasaldi informala" izan dela azaldu du, eta "adeitsu"jardun dutela.
"Ez litzateke lehen aldia presidente batek ihes egiten duena", erantzun dio Peinado epaileak Begoña Gomezi
Magistratuak ekainaren 30ean sinatutako auto batean defendatu du bere erabakia, bere ordezkoak gai horren inguruan beste erabaki bat hartu baino lehen. Azken horrek baimena eman dio Gomezi Londresera bidaiatzeko, baina ez Ankarara.