Osasun Ministerioak eta erkidegoek Ceutara 45.000 txerto bidaltzea adostu dute

Espainiako Osasun Ministerioa erkidegoekin bildu da astelehen honetan, premiaz, Osasun Publikoko Batzordean, uztailaren 30etik aurrera izandako migranteen iritsiera masiboaren osteko egoera aztertzeko. Bileran, erkidegoen arteko elkartasun-mekanismoa formalki aktibatzea erabaki dute. Hala, hirukoitz birikoaren 15.000 dosi eta difteria-tetanos, barizela zein polioaren aurkako 30.000 bidaliko dituzte; 10.000 unitate bakoitzeko.

Osasun Ministerioko iturriek azpimarratu dutenez, Ceutako egoera ez da osasun publikoko larrialdia ezartzeko modukoa, baina zuhur jokatu behar dela adierazi dute, eta, horregatik aktibatu dute 45.000 dosi emateko mekanismoa. Adituek uste dute kopuru hori nahikoa izango dela gaixotasun posibleen hedapena ekiditeko.

Aragoik eta Kantabriak, besteak beste, aurreratu dute gordeta dituzten dosiak emango dizkiotela Ceutari, nahiz eta Aragoiko Gobernuak zalantzan jarri duen Ministerioak nola kudeatuko duen halako txertaketa masibo bat. 

Bestalde, Eusko Jaurlaritzako Osasun Sailak bere esku dituen erreserbako txertoak aztertzeko konpromisoa hartu du. Ildo horretan, azpimarratu du “bere ezaugarri den elkartasun-printzipioaren arabera” jokatuko duela, eta eskua luzatuko diola lankidetzari, “osasun-erantzukizun hutsagatik”.

Osasun publikoko krisiaren aurreko erantzunak bat egin du, gaurtik aurrera, Osasun Ministerioko teknikari ordezkaritza batek Ceutara egingo duen bisitarekin. Egonaldia txertoen falta eta profesionalek jasaten duten muturreko presioa mahai gainean daudela gertatu da. Izan ere, Mediku eta Erizainen elkargo ofizialek salatzen jarraitzen dute plantillak oso muturreko egoeran daudela. 

Egoera honek iritzi talka eragin du, duela astebete Monica Garcia Osasun ministroak egindako bisitaren ostean. Ministroak ukatu egin zuen "osasun-kolapsorik" zegoela.