AEBetako Kongresuko zatiketak kolokan jarri du Siriaren aurkako erasoa
AEBetako Gobernua Siriaren aurkako balizko erasoaren aldeko kanpaina egiten hasi da, Bachar Al Asaden Erregimenak arma kimikoak erabili dituela salatuta.
John Kerry AEBetako Estatu idazkariak egin zuen atzo salaketa, hainbat telebista-katetan. Hain zuzen ere, abuztuaren 21ean Siriako Erregimenak egin zuen erasoan (gutxienez 1.429 pertsona hil zituzten, Damaskon) sarin gasa erabili zuela zehaztu zuen.
Barack Obama AEBetako presidenteak Siriari erasotzeko asmoa agertu du, arma kimikoak erabiltzea "muga gorri"tzat jo baitzuen iaz, baina, lehenik eta behin, baimena eskatuko dio Kongresuari.
Hori bai, ez dago batere argi zer gertatuko den Kongresuak ezezkoa ematen badio. Horren ildotik, Obamak erasoa abiatzea erabakitzeko "ahalmena" duela esan du Kerryk, hau da, Kongresuak baimena eman edo ez. Etxe Zuriko hainbat funtzionariok ere iritzi berbera agertu dute.
Kongresuari baimena eskatuta, zilegitasun handiagoa lortu nahi du Obamak, orain arte Frantzia baino ez baita erasoaren alde agertu. Gainera, kontuan hartu behar da Behe Ganberan Alderdi Errepublikanoak gehiengoa duela, eta, beraz, horren babesa beharko duela.
Oraingoz, Alderdi Errepublikanoko mugimendu kontserbadoreena, Tea Party, eta Alderdi Demokratako diputatu progresistenak erasoaren aurka agertu da.
"Bozketa une honetan egingo bagenu, ezezkoak irabaziko lukeela uste dut", adierazi du Peter King diputatu errepublikanoak.
Obamak Netanyahuri deitu zion
Bestalde, Haaretz egunkari israledarrak jakinarazi duenez, Obamak Benjamin Netanyahu Israelgo lehen ministroari deitu zion larunbatean, Siriaren aurkako erasoa atzeratu egingo duela ohartarazteko.
Kazeta horren arabera, Obamak Etxe Zurian agerraldia egin baino lau ordu lehenago egin zion deia, Israeli defentsa militarrak prestatzeko denbora emateko. Izan ere, Siriaren aurkako erasoa abiatzen badute, Al Asaden Erregimenak Israelen aurka egingo duela uste dute.
Israelgo Armadak hainbat egun daramatza alertan.
Albiste gehiago mundua
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.