Nigerian bahitutako haurrak askatzeko lanetan lagunduko dute AEBk
Goodluck Jonathan Nigeriako presidenteak onartu egin du AEBren laguntza Boko Haram milizia islamistak bahitu dituen 200 neskatoak bilatzeko, AEBko Estatu Departamentuak jakitera eman duenez.
Jen Psakik azaldu duenez, Nigeriako Gobernua "prest" dago "koordinazio talde bat" osatzeko AEBko segurtasun indarrekin eta militarrekin, bahiketetan eta negoziazioetan trebatuta baitaude.
John Kerry AEBko Estatu idazkariak esan du bera jarri zela harremanetan Nigeriako presidentearekin, baina aitortu du Washingtonek ezin duela ezer egin Nigeriako Gobernuaren "estrategiak" aldatzeko.
Kerryk azpimarratu du Barack Obamarekin hitz egingo duela gaur bertan Nigerian zer egin dezaketen aztertzeko. "Gure esku dagoen guztia egingo dugu laguntzeko", gaineratu du Kerryk, Catherine Ashton EBren diplomaziaburuarekin batera emandako prentsaurrekoan.
Nigeriako agintariei erreskatean laguntzeko hamar bat soldadu bidaliko ditu AEBetako Gobernuak.
Afrika Taldeko soldaduak Nigeriako hiriburutik laguntza eskainiko dute adingabeak askatzeko operazioan.
Frantzia, Txina eta Erresuma Batua
Bahitutako neskatoak bilatzeko eta askatzeko Nigeriari lagunduko diotela ziurtatu du gaur Francois Hollande Frantziako presidenteak. "Datozen orduetan" Frantziako talde berezi bat bidaliko dute eta Nigeriaren aginduetara jarriko da.
Era berean, Goodluck Jonathan Nigeriako presidentearen eskakizuna onartu du Li Keqiang Txinako lehen ministroak. Txinak Nigeriari lagunduko diola agindu du Keqiangek.
William Hague Britainia Handiko Atzerri ministroak ere "laguntza praktikoa" eskaini du apirilaren 14an Chibokeko eskola batean bahitutako 200 haurrak bilatu eta askatzeko. Abubakar Shekau Boko Haram miliziaren buruak astelehenean aldarrikatu zuen bahiketa, eta neskatoak "merkatuan" salduko zituela iragarri zuen.
Eraso berria
Gutxienez 200 lagun hil ditu ustez Boko Haram milizia islamiarrak, bertako komunikabideek gaur jakitera eman dutenez.
Sektaren azken erasoa astelehenean gertatu zen, baina gaur eman dute haren berri. Erasoa Gamborun (Borno estatuan), Kamerungo mugan, jaso zen. Gizon armatuek herria hartu zuten gauean, Daily Trust bertako egunkariak lekukoak aipatuz jakitera eman duenez.
Albiste gehiago mundua
Itxaropenerako leihorik ez: Askatasunaren Ontzidia berriro itsasoratu da
Handala ontzia igande honetan itsasoratu da berriro Gazako Zerrendara bidean.
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.