Beste su-eten odoltsu bat Gazan
Israelek eta Hamasek bart adostutako 72 orduko su-eten humanitarioa lehertu egin da indarrean sartu eta ordu gutxira, Gazan tregoak oso ahulak diren erakusle.
08:00etan (07:00ak, Euskal Herrian) hasi da su-etena, baina handik eta ordu batzuetara Israelgo Armadak amaitutzat eman du, Hamasek suziri batzuk jaurti dituela argudiatuta. Hori dela eta, berriz ekin die bonbardaketei, eta gutxienez 70 pertsona hil ditu. Egiptoko mugatik gertu, Rafah herrian, egin ditu erasoak.
Hamasek, baina, Israelgo Armadari egotzi dio tregoa hautsi izana, horien tankeek tiro egin dutela azaldu baitu.
Israelgo soldadu bat harrapatu dute
Palestinako miliziek ustez soldadu bat harrapatu dute su-eten humanitarioan, eta Israelgo agintariak erasoaldia areagotzea aztertzen ari dira orain. Alde biek su-etena urratzea leporatu diote elkarri.
Barack Obama AEBetako presidentearen hitzetan, Hamasek su-etena hautsi du, indarrean sartu "eta minutu batzuk geroago". Bestalde, "bahitutako" soldadua baldintzarik gabe aske uzteko eskatu du.
Gazako Zerrendako miliziek egindakoa ordainduko dutela esan dio gaur Benjamin Netanyahu Israelgo lehen ministroak John Kerry AEBetako Estatu idazkariari, palestinarrek Israelgo soldadu bat harrapatu eta gero.
"Gure herritarren kontra eraso terroristak egiten dituzten eta suntsitu nahi diguten aurka beharrezko pauso guztiak emango ditu Israelek", adierazi dio Netanyahuk Kerryri.
Bestalde, su-eten humanitarioaren urraketa gaitzetsi du Ban Ki-moon NBEko idazkari nagusiak. Gainera, harrapatutako Israelgo soldadua berehala askatzeko eskatu du Banek.
Azken gertakariak ikusita "desengainu handia" hartu duela esan du Banek. "Oso kezkatuta" azaldu da.
Bertan behera
Su-etenaren berri Nazio Batuen Erakundeak (NBE) eta AEBk eman zuten bart. "Su-etena indarrean sartu baino lehen, neurriz jokatzeko deia egin nahi diegu aldeei, eta behin indarrean dagoenean, hura errespetatzeko", adierazi dute agiri bateratu batean.
Horien esanetan, su-etena "funtsezkoa" da "errugabeei arnasa emateko", herritar zibilek "premiazko laguntza humanitarioa" jasotzeko, hildakoak hobiratzeko, zauritutakoak zaintzeko eta elikagaiak erosteko.
Gainera, Banek eta Kerryk azaldu dutenez, ordezkari israeldarrek eta palestinarrek bake-negoziazioak egingo dituzte Kairon, eta Egiptok bitartekari lanak egingo ditu.
Orain arte, Israelek 1.400 palestinar baino gehiago hil ditu Gazan, duela 24 egun erasoaldia abiatu zuenetik. Biktima gehienak zibilak dira. Bestalde, milizia palestinarrek 61 soldadu israeldar inguru eta bi zibil hil dituzte.
63 soldadu hil dituzte
Bestalde, bi soldadu israeldar hil eta beste bat desagertu da milizia palestinarrek egindako erasoan, Israelgo Armadak jakitera eman duenez. Azken bi hildako hauekin, 63 dira uztailaren 17tik hildako soldadu israeldarrak.
Albiste gehiago mundua
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.