Isiltasuna eta hondamena Gazan, su-etenaren aurreneko egunean
Gazak isiltasuna berreskuratu du gaur lehen aldiz azken hilabetean, 72 orduko su-etena indarrean sartu eta gero. Israelgo tropek atzera egin eta gero, Zerrendako biztanleek hondamendiaren nondik norakoak ikusteko aukera izan dute kaleetan.
29 eguneko borroka odoltsuen ostean liskarrak amaitu dira. Hala ere, mugako bi aldeetan eszeptizismoa da nagusi, bart enegarren su-etena adostu eta gero, Kairon.
Guztira, Palestinako Zerrendan 1.867 pertsona hil eta beste 9.563 zauritu dira, gehienak zibilak, Palestinako Osasun Ministerioaren arabera. Israelen erasoaldia uztailaren 8an hasi zen.
Goizeko lehen ordutik denda ugarik ateak zabaldu dituzte eta Zerrendako biztanleak etxetik atera dira eta babesleku inprobisatuak utzi dituzte, beldurrarekin bada ere kaleetan ibiltzeko. Bien bitartean, merkatuek eta zirkulazioak pixkanaka-pixkanaka normaltasuna berreskuratu dute.
Zerrendako ospitaleak lepo daude; izan ere, biktimen kopurua izugarria da. Datozen egunetan biktimen kopuruak gora egin dezake bonbardatutako etxebizitzen hondakinak arakatzen dituztenean. 1.000 etxe baino gehiago birrindu dituzte bonbardaketek.
Kalteak 5.000 milioi dolarretan zenbatu dituzte Gazan, eta berreraikuntza lanetan urteak emango dituzte. Gainera, su-eten iraunkorra lortzeko Egipton egiten ari diren negoziazioek azken zazpi urteetako blokeoa bertan behera utz dezakete, eta horrek berreraikuntza lanak erraztu ditzake.
Zerrendako iparraldean eta ekialdean kalteak ikaragarriak dira. Bertan Israelgo 50 soldadu hil ziren borroketan. Guztira, 64 soldadu hil dira operazio militarrean.
Palestinako familia bat etxera itzultzen Beit Hanounen. Argazkia: EFE
Su-eten makalaren hasiera
Israelgo Gobernuak eta Hamasek 72 orduko beste su-eten bat hasi dute 08:00etan (07:00ak, Euskal Herrian), antzeko tregoa batek porrot egin eta lau egunera, eta atzo Israelek alde bakarreko su-eten bat urratu eta gero. Oraingoz, bi aldeak errespetatzen ari dira su-etena.
Tel Aviveko Armadako bozeramaile batek baieztatu egin du Egiptok proposatutako su-eten hau ezarriko duela. Gainera, Armadak tropak erretiratu egin ditu Gazatik.
Bestalde, Sami Abu Zuhri Hamaseko bozeramaileak ere 72 orduko "lasaitasuna" onartzen duela iragarri dio Egiptori.
Tunel guztiak, suntsituta
Eguneko lehen orduetan, Israelgo Armadak Hamasek Israel eta Gaza arteko mugan eraikitako tunel guztiak dagoeneko suntsitu dituela iragarri dute hainbat irrati-kate israeldarrek.
Hain zuzen ere, gutxienez 32 tunel suntsitu dituzte soldaduek.
Hamasen tunelak suntsitzea Gazan sartzeko aitzakia zen Israelgo Armadarentzat. Horrenbestez, tropak erretiratu izana horren ondorio da, su-eten iragarpena baino gehiago.
Zure interesekoa izan daiteke
Nazioartearen erreakzioak AEBk Venezuelan egindako erasoaren aurrean
Errusiak "oinarririk gabeko aitzakiak baliatuta" egindako "eraso armatua" izan dela salatu du, Espainiak "deseskalatzea eta moderazioa" eskatu ditu, eta Frantziak Edmundo Gonzalez izatea presidente berria. Latinoamerikan muturreko iritziak eragin ditu AEBen operazioak.
Maduro berehala askatzeko eskatu du Delcy Rodriguezek, eta Venezuelako presidente bakarra dela ziurtatu du
Venezuelako presidente zilegi bakarra Nicolas Maduro dela azpimarratu du larunbat honetan Venezuelako presidenteorde exekutiboak, AEBko indar militarrek hura atxilotu ostean.
Venezolar asko kalera atera dira Caracas hiriburuan, Maduro aske utzi dezatela eskatzeko
Maduro aske utzi eta Venezuelara itzuli dezatela eskatuz, kalera atera dira egun argiz ehunka venezuelar Caracas hiriburuan. Venezuelako Gobernuaren egoitza den Miraflores jauregiaren alboan egin dute elkarretaratze jendetsuena.
Machadoren hitzetan, "iritsi da askatasunaren ordua Venezuelarentzat"
"Madurok irteera negoziatu bat onartzeari uko egin ostean, AEBko Gobernuak legea betearazteko promesa bete du. Herriaren subiranotasuna eta subiranotasun nazionala gure herrialdean nagusi izateko ordua da", nabarmendu du.
Trumpek dio AEBren esku geratu dela Venezuela Maduroren "ordezko egoki bat" aurkitu arte
"Herrialde hori zuzenduko dugu trantsizio segurua, egokia eta zentzuzkoa egin bitartean. Hau da, ez dugu nahi Maduro edozeinek ordezkatzea eta azken urteetan izan dugun egoera errepikatzea", esan du Floridan duen egoitzatik emandako prentsaurrekoan.
Nicolas Maduro atxilotu ondorengo lehen irudia zabaldu du Trumpek
AEBko presidenteak zabaldutako irudi batean, Venezuelako presidentea eskuak lotuta, entzungailuak jarrita eta betaurreko ilun batzuk jantzita ikus daiteke.
Ikerketa penala ireki dute Urtezahar gauean Suitzan su hartu zuen tabernako nagusien aurka
"Zabarkeriaren ondorioz gertatutako giza hilketa, gorputz lesioak eta sutea" leporatu dizkiote bikoteari, Valais kantonamenduko Poliziak jakinarazi duenez. Zigorra ezagutu arte, baina, errugabetasun-presuntzioa errespetatuko zaie biei.
Euskadin bizi diren venezuelarrek etxera bueltatzeko aukera izango dutela uste dute
Venezuelatik etorritako milaka pertsona bizi dira Euskadin, eta horietako asko Nicolas Maduroren gobernuaren aurkakoak dira. Azken orduotan Venezuelan gertatutakoaren aurrean itxaropentsu agertu dira, eta trantsizio baketsu bat espero dute.
Euskadiko eta Nafarroako gobernuek nazioarteko legeria errespetatzeko eskatu dute
Imanol Pradales lehendakariak esan du "gertutik, etengabe eta kezkaz" jarraitzen ari direla Venezuelako egoera, "historikoki errotutako euskal komunitate ugaria baitago bertan". Chivitek, bestalde, gogor gaitzetsi du AEBren erasoa, iritzita nazioarteko eskubidea eta Venezuelaren subiranotasuna urratzen dituela.
AEBk Venezuelaren aurka egindako erasoak nazioarteko zuzenbidearen arau guztiak hautsi dituela diote adituek
AEBn narkotrafikoaren aurkako erasotzat jo badute ere, Trumpen benetako helburua Venezuelan aldaketa politikoa lortzea da, adituen ustez.