Europazaleek irabazi dituzte parlamenturako hauteskundeak Ukrainan
Hauteslekuetan egindako inkesten arabera, alderdi europazaleek irabazi dituzte Ukrainako parlamenturako hauteskundeak. Horren arabera, europazaleek Parlamentuko eserlekuen % 70 baino gehiago eskuratu dituzte, eta parte-hartzea % 50 ingurukoa izan da.
Petro Poroxenko Ukrainako presidentearen eta Arsein Yatseniuk lehen ministroaren alderdiek eserlekuen % 45 inguru eskuratu dituzte. Lehen inkesten arabera, Poroxenkoren blokea ageri da aurretik botoen % 23rekin, eta Yatseniuken Fronte Popularrak, bigarren postuan % 21,3rekin.
Boto proiekzioak, ordea, Parlamentuko eserlekuen erdiei buruzkoak dira eta beste erdien inguruko emaitzak geroago ezagutuko dira.
36 milioi ukrainar zeuden bozkatzera deituta, baina errusiazaleen boikotaren ondorioz, Donetsk eta Luhansk eskualdeetan botoa ematera deituta zeuden 5 milioi biztanleetatik erdiek baino gutxiagok ezin izan dute bozkatu.
Datuen berri izan bezain laster, hauteskundeak ekialderako bake plana babesten duten alderdiek irabazi dutela eta gatazka konpontzeko gerra proposatzen duten alderdiek galdu dituztela azpimarratu du Petro Poroxenko presidenteak.
Ukrainako presidentea Donetsk hirian izan da gaur goizean, errusiazaleak nagusi diren eskualde horretan ere botoa emateko aukera zegoela erakusteko. Azaldu duenez, lehen errebeldeen gotorleku ziren Slaviansk, Dzerzhinsk eta Novoaidar hirietan izandako "arazoak konpondu" dituzte, eta "parte-hartzea Kievekoarekin alderatu daiteke".
Parte-hartzeari dagokionez Poroxenkok adierazi du ez dela gorabehera nabarmenik izan, eta hauteskunde demokratikoak izan direla.
Bestalde, Hauteskunde Batzorde Zentralak aitortu du Kieven kontrolpean zeuden Donetsk eta Luhansk hirietako hautesleku batzuetan bozkatzea ezinezkoa izan dela, segurtasun faltagatik edota hauteskundeetako delegatuak ez zeudelako. "Donetsk eskualdeko 21 barrutietatik, 6tan bozkatzea bermatuta dago, beste 6tan partzialki bakarrik, eta beste 9tan ezinezkoa da", adierazi du Hauteskunde Batzorde Zentralak ohar batean.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.