Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.
Itzalaldia, Habanan. Argazkia: EFE
Herrialdeko 16 zentral termikoetatik bost eta energia sortzeko bi zentro argindarrez hornituta, energia berreskuratzen ari da Kuba, astebetean izan duen bigarren 24 orduko itzalaldiaren ostean, bertako Energia eta Meategien Ministerioak (Minem) jakitera eman duenez.
Batasun Elektrikoak (UNE) jakitera eman duenez, Habanan elektrizitate zerbitzuaren % 70 inguru berrezarri da, ospitaleak hornitzen dituzten zirkuituei eta ur hornidura azpiegiturei lehentasuna emanez. Hala ere, ohartarazi duenez, elektrizitatearen sorkuntzaren defizitak eragina izaten jarraitzen du oraindik, eta 90 zirkuitutan korrontea berrezartzeko dago.
Sistema Elektriko Nazionala (SEN) berriz konektatzeko, mikrosistemak edo "uharteak" sortu behar dira, abiarazte sinpleko iturriekin (eguzki energiarekin, energia hidroelektrikoarekin edo motor sorgailuekin) energia sortzen hasteko. Gero, "irla" horiek elkarrekin konektatzen dira, eta, ondoren, elkarren artean konektatzen diren eskualde-eremu txikietara eramaten dira, elektrizitatea ekoizten duten zentral termikoak hornitzeko eta SENekin sinkronizatzeko.
Prozesu horretan, lehen, dieselaz eta fuel-olioaz hornitutako sorgailuak erabiltzen ziren, pizteko azkarrak direlako eta ez dutelako argindarrik behar. Baina joan den urtarrilean AEBko Gobernuak Kubari petrolioa erosteko jarri zizkion blokeoen ondoren, erregairik gabe geratu da.
Uhartearen egoera energetikoa kritikoa zen azkenengo kolapsoaren aurretik ere, Habanan bertan 15 orduko itzalaldi elektrikoak izan baitziren.
Sistemaren zazpi itzalaldietatik gehienak akats eta matxurekin lotuta egon dira, batez ere Antonio Guiteras zentral termoelektrikoan, hondamendi naturalek ere eragin dituzte gertaera horiek.
Kubak krisi energetiko larria bizi du 2024. urtearen erdialdetik, eta itzalaldien historian zazpi nazional eta beste horrenbeste partzial daude, bai sistema elektrikoa zaharkituta dagoelako bai AEBren petrolio-blokeoaren eraginez.
Hain zuzen ere, egunotan Nuestra America elkartasun konboia Habanan dago, bertara sendagaiak, elikagaiak eta eguzki-panelak eramatera joanda.
Zure interesekoa izan daiteke
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin suziri batek eztanda egin du Floridan, jaurti aurreko proba batean
Suziria pizte estatikoaren proba batean lehertu da, etorkizunean jaurtiketa orbital bat egin aurretik.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.
Osasunaren Mundu Erakundeak 900 ebola-kasu baino gehiago zenbatu ditu RDCn, susmagarriak eta baieztatuak batuta
Tedros Adhanom Ghebreyesus Agentziako zuzendari nagusiak aitortu du zailtasunak daudela agerraldi ari aurre egiteko, Ituri probintzian batez ere; eskualde hori da krisiaren epizentroa eta bertan lau pertsonatik batek laguntza humanitarioa behar du eta bost biztanletik herrialdeko baste puntu batzuetatik ihesi iritsitakoak dira.
Marco Rubiok ziurtatu du AEBk ez dutela "akordio txar bat" egingo eta Iranen erantzuna falta dela
Irango Gobernuak jakinarazi du bake akordioa lortzeko bidean AEBrekin abiatutako elkarrizketatan aurrerapausoak egon direla. Dena den, argi utzi du ezin daitekeela esan "ituna berehala iritsiko denik". Halaber, berretsi du etapa honetan ez direla Teheranen programa nuklearrari buruz eztabaidatzen ari.