Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
Peter Szijjarto, ekitaldi politiko batean, aste honetan. Argazkia: EFE.
Europako Batzordeak "oso kezkagarritzat" jo du Peter Szijjarto Hungariako Atzerri ministroak Europar Batasuneko herrialdeetako Atzerri ministroek ateak itxita egindako elkarrizketei buruzko informazioaren berri Errusiari eman izanaz hedabideetan zabaldutako informazioa, Anitta Hipper Europar Batasuneko Exekutiboko Atzerri gaietako bozeramaileak prentsaurrean adierazi duenez.
Hipperren arabera, "estatu kideen arteko eta horietako eta erakundeen arteko konfiantzazko harremana funtsezkoa da EBk ondo funtzionatzeko". "Espero dugu Hungariako Gobernuak azalpenak ematea", gaineratu du bozeramaileak.
Joan den larunbatean, AEBko The Washington Post egunkariak argitaratu zuen Errusiako kanpoko inteligentzia zerbitzuak Viktor Orban Hungariako lehen ministroaren aurkako hilketa saiakera bat irudikatzea proposatu zuela, apirileko hauteskunde erabakigarriei begira kanpaina indartzeko, "The Gamechanger" (joko-aldatzailea) izeneko operazio batean.
Informazioaren arabera, halaber, Peter Szijjarto Hungariako Atzerri ministroak Sergei Lavrov Errusiako homologoari maiz deitzen dio, EBko Kontseiluaren bileretan esandakoen berri emateko.
Hungariak akusazioak ukatu ditu
Hungariako Gobernu ultranazionalistak "albiste faltsutzat" eta "gezurtzat" jo ditu Poloniak babestuta hedabideetan atera diren informazioak.
X sare sozialean idatzitako mezu batean, Peter Szijjarto Hungariako Atzerri ministroak "konspirazio teoria zentzugabea" dela esan du, eta Poloniako Gobernuari "gezurrak eta albiste faltsuak zabaltzea" leporatu dio.
Zure interesekoa izan daiteke
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.