Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Thiago Avila eta Saif Abukeshek artxiboko argazki batean, 2026ko misioa abiatu aurretik. Argazkia: Global Sumud Flotilla
Atxilotuta jarraitzen duten Global Sumud Flotillako bi ekintzaileak, Saif Abukeshek palestinarra (nazionalitate suediarra eta espainiarra ditu) eta Thiago Avila brasildarra, askatu, eta Israelgo immigrazio agintarien esku utziko dituzte larunbat honetan, Shin Bet inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez.
"Gaur bertan (ateratzea espero da) eta zaintzapean egongo dira deportazioaren zain", baieztatu du Adalahk ohar batean. Adalahk egoera gertutik jarraitzen ari dela esan du, "askatzea gauzatzen dela eta datozen egunetan deportazioa gertatzen dela ziurtatzeko".
Adalahk azpimarratu duenez, Avila eta Abukeshek "legez kanpo atxilotuta" izan ditu Israelek astebete baino gehiago, apirilaren 30ean Israelgo Itsas Armadak nazioarteko uretan bahitu zituenetik, nazioarteko zuzenbidea urratuz.
Horien aurkako kargurik izan gabe galdeketa luzeak egiteaz gain, "atxilotuta egon diren bitartean, erabat isolatuta eta zigor baldintzetan egon dira, nahiz eta haien misioa erabat zibila zen", salatu du Adalahk. Bi ekintzaileak, gainera, gose greba egiten ari dira atxilotu zituztenetik, eta Abukeshek egarri greba ere bai, astearte gauetik.
Jose Manuel Albares Espainiako Atzerri ministroak gaur goizean aurreratu duenez, Abukeshek Egiptoko Taba pasabidetik deportatuko dute, eta esan du Ministerioa buru-belarri ari dela lanean, Israelgo lurraldetik irteten denean Espainiara "ahalik eta azkarren" itzul dadin familiarekin elkartzeko.
NBEk bi ekintzaileak "berehala eta baldintzarik gabe" askatzeko eskatu dio Israeli, eta azpimarratu du ez dela delitua elkartasuna erakustea, ezta Gazako herritarrei laguntza humanitarioa eramaten saiatzea ere. Hori da, hain zuzen ere, duela urte batzuetatik hona errepikatzen diren honelako flotillen helburua.
Zure interesekoa izan daiteke
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.