Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Israelek Libanoko hainbat puntu bonbardatu ditu. Argazkia: EFE
Israelgo Armadak Libano hegoaldean egindako bonbardaketa berrietan gutxienez hiru pertsona hil dira ostegun honetan. Eraso hauek apirilaren erdialdetik indarrean dagoen su-etena urratu dute, eta azken asteetan bi aldeek elkarri egindako erasoek kolokan jarri dute bake akordioa.
NNA Libanoko berri-agentziak jakinarazi duenez, Nabatiye inguruan kamioneta baten aurka egindako erasoan bi pertsona hil dira. Hirugarren biktima Safa inguruan hil da, kamioi baten aurkako bonbardaketan.
Israelgo Armadak baieztatu duenez, Beiruteko Dahiya auzoan egindako eraso batean Ahmed Qalib Balut hil dute, talde xiitaren eliteko unitateko komandantea.
Bestalde, Italiako Defentsa Ministerioak salatu du kohete batek Nazio Batuen Erakundearen (NBE) misioaren egoitza bati eraso diola Libano hegoaldean. Italiako kontingentearen basea da hori, eta, iturriek azaldu dutenez, kalte arinak eragin ditu ibilgailu militar batean, baina ez da zauriturik izan.
Bake elkarrizketen hirugarren txanda, Washingtonen
Gatazka berpiztu bada ere, AEBko Estatu Departamentuko funtzionario batek iragarri du Israelgo eta Libanoko ordezkariek bake elkarrizketen hirugarren txandari ekingo diotela Washingtonen maiatzaren 14an eta 15ean.
Eskualdeko tentsioak gora egin zuen martxoaren 2an, Hezbolak Israelen aurka egindako erasoen ondoren. Eraso horiek Irango lider gorenaren, Ali Khamenei aiatolaren, heriotzari emandako erantzuna izan ziren. Harrezkero, Israelek Libanoren inbasioari ekin zion, eta ordutik 2.700 hildako eta 8.400 zauritu baino gehiago eragin ditu.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.