Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
16 familiak TikToken aurkako salaketa kolektibo bat formalizatuko dute astelehen honetan Parisko Fiskaltzaren aurrean, beren seme-alaba nerabeen suizidioen eta portaera nahasmenduen erantzule jotzen dutelako.
Familien izenean prozedura zuzentzen ari den Laure Boutron-Marmion abokatuak France Info irratian egindako elkarrizketa batean azaldu zuenez, sare sozialak ahultasun abusua egin zuela argudiatzen dute, adingabeak zaurgarri direlako eta sare sozialak ahultasun hori ustiatu egiten duelako.
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa zein joera suizidak dituzten hamar neska eta mutil baten kasuak ere.
Christellek, anorexiak jotako nerabeetako baten amak, irakasle ere badenak, aitortu zuen gertakariek "gainditu" egin zutela, eta ez zela jabetu alabak ikusten zituen "irudi morbidoez" ezta beste eduki batzuez ere. 12 urterekin instalatu zuen alabak TikTok aplikazioa bere sakelakoan.
Irakasle horren aburuz, TikTokek "gure nerabeak beren buruentzat kaltegarriak diren ekintzak egitera eramaten ditu, nahita".
Ama ziur dago sare sozialak orain 15 urte dituen alabaren hauskortasuna areagotzen duela: "Ankerkeria dago haren arreta bereganatzeko eta probetxua lortzeko. Argi dago bere ahuleziaz baliatzen direla etekina ateratzeko".
Parisko Fiskaltzak TikToki buruzko ikerketa bat ireki zuen 2025eko urrian, bertan argitaratzen diren edukietako batzuekin plataformak gazteen artean suizidioa sustatzen duen ala ez argitzeko.
Justiziaren aurreko prozeduratik haratago, Boutron-Marmonek azpimarratu zuenez, finean nahi dutena da politikariek nerabeei sare sozialak erabiltzea debekatzeko lege bat aurrera ateratzea.
Ildo horretan, Frantziako Parlamentua lege proposamen bat izapidetzen ari da 15 urtetik beherakoei sare sozialak erabiltzea debekatzeko, eta Europako instantzien oniritzia jasotzeko zain dago.
Zure interesekoa izan daiteke
Lurrikarek utzitako kaosa aregoatu egin da La Guairan
La Guairako errepideak blokeatu dira eta hortaz, sarbidea mugatzea erabaki du Venezuelako gobernuak. Dena galdu ostean, kalean botata, kanpamendu inprobisatuetan ari dira bizirauten, senideekin komunikatu ezinik. Une honetan premiazkoa da La Guairara iristeko bideak libre uztea, laguntza guztia iritsi dadin.
Bilaketa lanek ez dute etenik Venezuelan, lurrikarak utzitako hondakinen artean
Datu ofizialen arabera, 920 hildako eta 50.000 desagertu baino gehiago utzi dituzte lurrikarek. Espainiako Estatuko herritarrei dagokienez, 5 espainiar hil eta 133 desagertu omen dira.
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.