EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Europako Batzordeak adierazi du Euskal Autonomia Erkidegoko (EAE) Osasun arloko profesionalei zeintzuk hizkuntza-eskakizun eskatzen zaizkien zehaztea “agintari nazionalei” dagokiela. Horrela erantzun dio Europako Parlamentuko Eskaera Batzordean aztertutako ekimen bati.
Eztabaidan zehar, Batzordeak azpimarratu du Europar Batasunak estatu kideen “nazio izaera” errespetatu egin behar duela, baita haien egitura konstituzionalak eta administratiboak ere, hizkuntza-erregimenak barne.
Ildo horretan, zehaztu du herri-administrazioen aurrean hizkuntza ofizialen erabilera arautzea estatuen eskumena dela. Halaber, gogorarazi du hizkuntza-arrazoiengatiko diskriminazioaren auzia Oinarrizko Eskubideen Gutunean jasota dagoela; estatu kideek Batasuneko Zuzenbidearen esparruan jarduten dutenean baino ez da aplikatzen.
Espainiako herritar batek Unidas por la Igualdad Lingüística taldearen izenean aurkeztutako ekimenari ere egin dio erreferentzia Batzordeak. Ekimen horren arabera, Osasun arloko lanpostu publikoetan euskara eskatzea oztopo izan daiteke profesional kualifikatuentzat, eta osasun-arretaren kalitaterako kaltegarria izan daiteke.
Europako Parlamentuko Eskaera Batzordearen presidenteak jakinarazi du eskaera irekita utziko duela, Europako Batzordeak idatzizko erantzuna eman arte, eta ondoren erabakiko dela espedientearekin zein urrats eman.
Eztabaida politikoan, PPren eurodiputatu Elena Nevadok adierazi du EAEko Osasun arloko lan-eskaintza publikoetan aplikatzen diren hizkuntza-eskakizunek “berdintasun, merezimendu eta gaitasun printzipioak" urratu ditzaketela. Haren esanetan, eskakizunak “neurrigabeak” dira, profesionalen eskasia baitago.
Bestalde, Idoia Mendia eurodiputatu sozialistak defendatu du EAEko hizkuntza-politikak herritarren hizkuntza-eskubideetara eta errealitate soziolinguistikora egokitzea duela oinarri. Gainera, baldintzak “zentzuz” aplikatzearen alde egin du, profesionalen eskasia izanez gero, talentua ez galtzeko.
ECR eta Vox taldeetako Diego Adrian Solier eta Juan Carlos Girauta bat etorri dira, eta hizkuntzagatiko diskriminazioak gaitzetsi dituzte. Ohartarazi dute hizkuntza-eskakizunek ez dutela lehentasuna izan behar esperientziaren eta prestakuntzaren gainetik, eta horrek osasun-sistemaren kalitatean eragin dezakeen kalteaz ere ohartarazi dute.
Zure interesekoa izan daiteke
Flotillako abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko Estatu bidaia egingo du eta, tartean, Xi Jinping Txinako agintari nagusiarekin bilduko da. Ekialde Ertaina eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute, horietako batzuk energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.