Merkelek eta Hollandek batasuna eskatu diote Europari
Angela Merkel Alemaniako kantzilerrak eta Francois Hollande Frantziako presidenteak batasuna eskatu diote Europari erronka handiei aurre egiteko. Horrela, errefuxiatuen krisiaren eta Siriako gerraren aurrean batasuna beharrezkoa dela aldarrikatu dute bi agintariek Europako Parlamentuan.
Helmut Kohl eta Francois Mitterrand aurreko buruzagiek duela 26 urte egin bezala, Alemaniako eta Frantziako agintariek Europako Parlamentura jo dute erronka handienei eusteko asmoz. Oraingoan ez dute Gerra Hotzaren amaiera eztabaidatu, Europar Batasunaren premia larrienen inguruan baizik.
Ekialde Hurbiletik datozen milaka errefuxiatuen aurrean Europak elkartasuna agertu behar duela esan dute Merkelek eta Hollandek, bakoitzak bere aldetik.
“Europak erronka handi bati egin behar dio aurre beste behin ere, proba historiko bat gainditu behar du”, Merkelen ustez. ‘Dublin’ sistema berriz aztertzeko eskatu du Alemaniako kantzilerrak, “zaharkituta” geratu delako. Horren arabera, asilo eskatzailea hartzen duen estatua errefuxiatua onartzera behartuta dago.
“Erabateko gerra” baten arriskua, Sirian
Bestalde, errefuxiatu gehien hartzen dituzten Europar Batasuneko herrialdeei laguntzea eskatu du Hollandek. Frantziako buruzagiaren ahotan, “Ekialde Hurbileko eta Afrikako tragediek EBn izan ditzaketen ondorioez jabetzeko denbora asko” behar izan du Europak.
Angela Merkel Alemaniako kantzilerra eta Francois Hollande Frantziako presidentea, Europako Parlamentuan. Argazkia: EFE
Siriako gatazka izan du hizpide Frantziako presidenteak, eta EBk esku hartu ezean, “gure lurraldeari eragin diezaiokeen erabateko gerra” bihur daitekeela ohartarazi du.
Estatuen nazionalismoaren arriskua
Besteak beste, Nigel Farage (Erresuma Batua) eta Marine Le Pen (Frantzia) eurodiputatu euroeszeptikoen kritika gogorrak, eta txistuak, entzun behar izan dituzte Merkelek eta Hollandek Europako Ganberan. Hollande Alemaniako “kantzilerordea” dela esan du Le Penek.
Estatuen nazionalismoa “arriskutsua” dela esan du Frantziako presidenteak, horrek “gainbehera” dakarrelako. Horregatik, “Europaren soberania handiagoa” eskatu du. “Erabakitzeko gaitasuna izan behar dugu nazionalismoa, populismoa edo estremismoa saihesteko”, adierazi du.
Eskuin muturreko eurodiputatuak, pankarta batekin. Argazkia: EFE
Zure interesekoa izan daiteke
Kubak eta AEBk elkarrizketak abiatu dituzte, Trumpen mehatxuen ondoren
Aurreneko kontaktuen helburua izan da arazoak "identifikatzea", horientzako "konponbideak aurkitzea" eta "bi herrialdeen onurarako ekintzak zehaztea".
AEBk Errusiako petrolioaren gaineko zigorrak leuntzea kritikatu dute Europako buruzagiek
Volodimir Zelenski Ukrainako presidenteak ohartarazi du zigor horiek leuntzeak Moskuren jarrera indartzen duela, eta 10.000 milioi dolar gehiago ematen dizkiola Ukrainaren aurkako gerrarekin jarraitzeko.
NASAk apirilaren 1ean abiatuko du Artemis II misioa, 50 urten Ilargira egingo duten lehen hegaldi tripulatua
AEBko espazio agentziaren Artemis II misioa martxoan zen abiatzekoa, baina atzeratu egin zuten.
Prezioen igoerari eutsi ahal izateko Errusiako petrolioa erosteko aldi baterako baimena eman du AEBk
Bestalde, Donald Trumpek ohartarazi du "su potentzia paregabea, munizio mugagabea eta denbora" dituela aurretik Iranek gidatzen duen "zabor zoroari" aurre egiteko.
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.