Ekaitz bortitzek arazoak sortu dituzte Nafarroan
Tutera eta Iruñea lotzen dituen autobidea itxi egin behar izan dute, euri eta txingor ekaitz handia izan baita. Tuteran, zezen plazako hegal baten zati bat erori da. Gainera, Castejon eta Erriberri arteko tren zerbitzua bertan behera utzi behar izan dute, hiru zuhaitz katenaria gainera erori baitira.
Zenbait egunetan tenperatura altuak eta zerua oskarbi egon ondoren, aldaketa iritsi da.
Eusko Jaurlaritzako Segurtasun Sailak alerta laranja ezarri du ostiral arratsalderako Araban eta Bizkaia eta Gipuzkoa barnealdean, zaparrada handiak espero zirelako, batez ere Araban. 30 litro baino gehiago pilatu dira ordubetean zenbait tokitan. Horrela, Nanclares Okan 38,3 litro bota ditu ordubetean, Subillan 31,5 eta Espejon 23. Txingorra ere bota du txoko batzuetan.
Ekaitz gogorrak Erriberan
Nafarroan, Tutera eta Iruñea lotzen dituen autobidea itxi egin behar izan dute, euri eta txingor ekaitz handia izan baita.
Tuteran, zezen plazako hegal baten zati bat erori da. Zorionez, plaza itxita zegoen eta ez da inor zauritu.
Gainera, Adifek jakinarazi duenez, Castejon eta Erriberri arteko tren zerbitzua bertan behera utzi behar izan dute, hiru zuhaitz katenaria gainera erori direlako eta trenbide sarearen zati hori tentsiorik gabe utzi dutelako.
Aemet Espainiako Meteorologia Agentziak ere alerta laranja ezarri du Nafarroa erdialdean eta Erriberan, 16:00etatik 23:00etara, prezipitazioengatik, eta abisu horia Foru Erkidegoko isurialde atlantikoan eta Pirinioetan, prezipitazio handiak espero baitituzte denbora tarte berean.
Hori dela eta, Nafarroako Gobernuak erabaki du larrialdi aurreko egoera ezartzea. Gainera, Ebroko Ur Konfederazioak ohartarazi du litekeena dela ibaien ur-emaria oso denbora gutxian asko haztea.
Oñatin (Gipuzkoa), ekaitz bortitzak kalteak eragin ditu Unibertsitatearen aurrealdean.
BBK Live jaialdian ere gogor jo zuen ekaitzak, eta Amaia eta Rayeren kontzertuak zapuztu
Ekaitzak Bilbao BBK Live jaialdiaren gaueko programazioari ere eragin dio. Bart gauean, Amaiaren emanaldia gelditu behar izan zuten, eta hainbat arazo izan ziren gaueko kontzertu nagusian, Raye britainiarraren kontzertuan.
Euri jasak, haizearekin, tximistekin eta trumoiekin batera, Amaiaren emanaldia gelditzera behartu zuen, hasi eta 20 minutura, eta Rayeren kontzertuaren hasiera atzeratu zuen. Gainera, zenbait minutuz eten behar izan zuen emanaldia, arazo teknikoak zirela eta.
Gutxienez bost hegaldi bertan behera, Loiun
AENAk jakitera eman duenez, Vueling konpainiak bertan behera utzi ditu ostiral arratsaldean Bilboko aireportuan lurreratu behar ziren bost hegaldi. Ekaitz elektrikoak izateko arriskuaren aurrean hartu dute hegaldi horiek bertan behera uzteko erabakia.
Bost hegaldi horiek Alacant, Bartzelona, Malaga, Eivissa eta Londrestik zetozen.
Hegazkinak Bilbora heldu ez direnez, bertan behera geratu dira Loiutik Alacant, Bartzelona, Malaga, Eivissa eta Londresera hegazkin horiek egin behar zituzten bueltako bidaiak ere.
Bestalde, Meteofrancek abisu horia iragarri du ekaitzengatik Iparraldea barne hartzen duen Pirinio Atlantikoetan.
Ekaitz-giroa nagusituko da larunbatean. Prezipitazioak nonahi izan ahalko dira, eta probabilitate handiagoa izango da goizaldean eta eguneko lehen orduetan. Goizak atsedenerako tartetxo bat eman diezagukeen arren, zaparrada batzuk botako ditu han-hemenka, eta arratsaldean ekaitzak joko du berriro, indar txikiagoarekin, ekialdean gogorrago. Tenperatura maximoak apur bat jaitsiko dira, eta beroa eramangarriagoa izango da. Haize-bolada gogorrak izan daitezke ekaitz-guneetan.
Larunbatera begira, Euskalmetek eta Aemetek abisu horia ezarri dute Araban eta Nafarroa osoan, isurialde atlantikoan salbu.
Zure interesekoa izan daiteke
Giro lehorra eta eguzkitsua iraila abiatzeko
Gaur eta bihar leunagoak izango dira tenperaturak, baina asteazken-ostegunetik aurrera beroa nagusituko da atzera. Oro har, astea eguzkitsua izango da, baina kostaldean lehenengo egunotan hodeiak izango dira.
Udako giroa izango da nagusi datozen egunetan, baina euria egin dezake igandean Euskal Herrian
Asteburua tenperatura freskoekin hasiko da, eta termometroak 9 ºC-ra jaitsiko dira Gasteizen larunbatean. Hala ere, maximoak 30 ºC-tik gorakoak izango dira lurraldeko hainbat puntutan. Igandean, berriz, zirimiria egin lezake azken orduetan.
Giro sargoria izango da gaur, hego-haizeak lagunduta
34 ºC-ra go litezke termometroak puntu askotan eta goizean hodei eta ostarteak tartekatuko dira; arratsaldean bero-hodeiak garatuko dira eta trumoi-zaparradaren bat bota dezake.
Beroak estutzen jarraituko du, baina ezegonkortasun handiarekin
Hurrengo egunetan, tenperatura altuak izango dira nagusi, baina ezegonkortasun handia izango da. Hala, gaur arratsaldean, esaterako, ekaitza bota dezake; Nafarroan, Aemetek abisu horia ezarri du euriteengatik.
Ur-goraldiak iragarri dituzte Nafarroako ubide txikietan eta sakanetan
Euri zaparrada eta ekaitz gogorren ondorioz hainbat probintziatan, tartean Nafarroan, ezarritako abisuak direla eta, Ebroko Konfederazio Hidrografikoak albiste meteorologikoei adi egoteko gomendatu die herritarrei.
Igandean bero egingo du berriro ere Euskal Herrian
Eguna tenperatura baxuekin hasiko da, Gasteizen, esaterako, 14 ºC izango baitira, baina 34 ºC-ra helduko dira termometroak Iruñean, eta 32 ºC-ra, berriz, Bilbon. Arratsaldean, aldaketa etor daiteke, eta zaparrada trumoitsuak eta txingorra egin dezake zenbait puntutan.
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.