Hamas hamar gatibu askatzeko prest agertu da, eta Israelgo Armada Gazatik ateratzea eskatu du berriro
Palestinako erresistentziak "orain arteko funtsezko gaietan negoziazioen zailtasuna" azpimarratu du, "Israelen irmokeria dela eta".
Hamas Palestinako erresistentzia erakundeak gaur jakitera eman duenez, hamar gatibu askatzeko prest dago Gazako Zerrendan su-etena lortzeko, Israelgo agintariekin egindako zeharkako negoziazioen baitan. Israelen erasoaldiak 57.700 palestinar inguru hil ditu dagoeneko.
"Beharrezko malgutasuna erakutsi dugu eta hamar preso israeldar askatzea adostu dugu. Gai nagusiak negoziatzen jarraitzen dugu, bereziki: laguntza humanitarioa, Zerrendaren okupazioa bertan behera uztea eta su-eten iraunkor baterako benetako bermeak izatea", dio Filastin egunkariak jasotako ohar batek.
Hamasek adierazi du "ahalegin arduratsuak" egiten jarraitzen dituztela "negoziazioan arrakasta ziurtatzeko", "Palestinako herriaren aurkako erasoari amaiera emango dion akordio integral bat ixteko, laguntza humanitarioaren sarrera librea eta segurtasuna bermatzeko eta Gazako Zerrendan gero eta handiagoa den sufrimendua arintzeko".
Ildo horretan, azpimarratu du "espiritu positiboarekin" jarraitzen dutela lanean bitartekariekin, "oztopoak gainditzeko" eta "askatasunaren, segurtasunaren eta bizitza duinaren nahiak bermatzeko", nahiz eta "orain arteko funtsezko gaietan negoziazioak zailak izan, Israelen irmokeria dela eta".
Izat al Rishq, Hamaseko goi-karguduna
Presoak askatzeko modu bakarra erresistentziarekin akordio serio bat ixtea da
Gainera, Hamasek adierazi du Benjamin Netanyahu Israelgo lehen ministroak Gazako Zerrendan dauden gatibuen inguruan egindako adierazpenak "porrot psikologiko baten ilusioa" direla, eta berretsi du horien askatasuna su-eten baterako eta Israelen erasoen amaierarako "akordio serio" baten bidez soilik lortuko dutela.
"Netanyahuk 'bahitu guztien askapenaren eta Hamasen errendizioaren' inguruan egindako adierazpenek porrot psikologiko baten ilusioa islatzen dute, ez errealitatea", esan du Izat al Rishq erresistentzia palestinarreko goi-kargudunak, Filastin-ek jaso duenez.
"Etsaien buruzagiek operazio militarren bidez presoak berreskuratzeko orduan izandako porrota onartu ostean, argi geratu da presoak askatzeko modu bakarra erresistentziarekin akordio serio bat ixtea dela", adierazi du.
Al Rishqen hitzak Netanyahuk Zerrendaren gainean egindako "presio militarra" berriro defendatu eta ordu batzuetara iritsi dira, asteartean Donald Trump AEBko presidentearekin izandako bigarren bileraren ostean. "Ez dugu etsiko, eta hori posible da gure soldaduek, heroiek, egindako presio militarrari esker", berretsi du Israelgo lehen ministroak.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.