Tutankamonen hilobian kamera huts bat egon daiteke
Egipton, Tutankamon faraoiaren hilobian egindako analisien arabera, "kamera huts bat" izan daitekeen "zerbait" egon daiteke hilobiaren hormetako baten atzeko aldean, Mahmud Afifi Egiptoko Antzinatasunen Saileko buruak azaldu duenez.
"Orain arteko ondorio nagusia hau da: zerbait badago hilobiaren iparraldeko hormaren ekialdeko zatiaren atzean, nahiz eta oraingoz ezezaguna den", adierazi du Afifik.
Antzinatasun buruaren hitzetan, Ramses II.aren seme-alaben hilobietan egindako ikerketa batean antzerako emaitzak lortu zituzten eta, gerora, hormen atzean ezkutuko kamera bat zegoela baieztatu zen.
Aitzitik, behin-betiko ondorio fidagarriak izateko datuen analisia egin arte "itxaron" behar dela ohartarazi zuen; zehazki, Japonian egingo dute azterketa hori.
Bestalde, Mamdouh Al Damati Egiptoko Antzinatasun ministroak baieztatu zuen osteguna eta ostirala bitartean egindako analisien eta esplorazioen emaitzek erakusten dutela - % 90eko ziurtasunarekin- hilobiaren iparraldeko hormaren atzean hutsunea dagoela. "Horrek oraindik ezagutzen ez den kamera bat dagoela adierazten du", gaineratu zuen.
Egiptoko Antzinatasun Ministerioak zabaldutako oharraren arabera, "oraingoz ez da urrezko faraoiaren hilobiaren barruan lan egiteko inolako neurririk hartu". Are gehiago, Al Damatiren esanetan, ez dute prozedurari buruzko erabakirik hartuko emaitzen azterketa amaitu arte.
Lehen analisi horien emaitzak Hirokatsu Watanab aditu japoniarrak ikertuko ditu hilabetez, hormaren atzean zer dagoen argitzeko balio dezakeen egitasmo bat garatzeko.
Hainbat adituren hipotesien arabera, faraoi gaztearen hobian Nefertitiren, Meritaton erreginaren edota Tutankamonen alabaren gorpuzkinak egon daitezke.
Zure interesekoa izan daiteke
Ekialdi Hurbilean izandko azken erasoek petrolio azpiegiturak eta garraioa izan dituzte helburu
Ugaritu egin dira azken orduetan petrolio azpiegituren eta garraioen aurkako erasoak. Israelek erasoa egin du Iranek eta Katarrek partekatzen duten gas plantaren aurka. Iranek gogor erantzun du, misil-oldea jaurtiz Bahrain, Saudi Arabia, Arabiar Emirerri Batuak, Kuwait, eta Jerusalemen aurka.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzeko itsasartera laguntza bidaltzeko prest agertu dira
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.