Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Osasun-langile bat, paziente bati txertoa inokulatzen. Argazkia: Europa Press
Canterburyn (Ingalaterrako hego-ekialdean) hasitako meningitis B agerraldi batek bi hildako eta gutxienez hogei kutsatu utzi ditu, oraingoz. Kezka zabaldu da herritarren artean. Farmaziak txerto-izakinik gabe geratu dira, gainera.
Gaitzaren agerraldia Canterburyko Chemistry diskotekan hasi zen, Kenteko Unibertsitateko ikasleekin. Izan ere, bi hildakoak Canterburytik gertu dagoen unibertsitate horretako ikasleak dira.
Erresuma Batuko Osasun Segurtasuneko Agentziak (UKHSA) baieztatu du B taldeko gaixotasu meningokoziko horren agerraldi "leherkor" bat ikertzen ari dela Kent eskualdean. Azken datuen arabera, 9 kasu egiaztatu dituzte laborategian, eta 11 ikerketapean daude.
Osasunaren Mundu Erakundeak (OME) ere agerraldiaren berri eman du, Genevatik, eta tratamendu goiztiarraren beharra azpimarratu du.
Ikasleak hil ondoren, eta hedapena mugatzeko asmoz, osasun-agintariek 2.500 dosi baino gehiago eman dizkiete Kenteko Unibertsitateko ikasleei, gertuko kontaktuei eta martxoaren 5etik 7ra klubean izandakoei.
Ez dago txertoa eskuratzerik
Agertu den meningitisa infekzio bakteriano larri bat da, garunaren eta bizkarrezur-muinaren inguruko mintz babesleak hantarazi ditzakeena eta, azkar tratatu ezean, hilgarria izatera irits daitekeena. Kontaktu zuzenaren bidez hedatzen da, musuen bidez edota edari bat partekatuz, baina ez da covida eta gripea bezain erraz kutsatzen.
Wes Streeting Erresuma Batuko Osasun ministroak esan du agerraldia ez dela "gertakari nazionala", baina egun gutxi batzuren buruan izandako gorakada esponentzialak kezka eragin die britainiar askori, eta B meningitisaren aurkako txertoa modu pribatuan hartu nahi dute.
Txertoaren prezioa 110 libra (127,35€) ingurukoa da dosi bakoitzeko, baina zikloa osatzeko bi eta hiru txerto artean behar dira (guztira, 254,71€ eta 382,07€ artean).
Bootsek, Erresuma Batuko kate farmazeutiko handienak, eta Superdrugek, herrialdeko bigarren txikizkari farmazeutiko handienak, beren webguneetan ohartarazi dute txertoaren "eskasia nazionala" dagoela, eta itxarote-zerrenda bat prestatu dute dosietako bat berriro eskuragarri daudenean lortu nahi dutenentzat.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.