Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Petrolioaren prezioak gorakada handia izan du ostegun honetan, Ekialde Hurbileko energia-azpiegituren aurka egindako erasoen ondorioz. Brent upelak, Europan erreferentzia denak, 113 dolarren langa gainditu du, % 5etik gorako igoerarekin, Iranen kontrako erasoen aurreko 72 dolarrak oso atzean utzita.
Era berean, gas naturala % 30 inguru garestitu da Europako merkatuan, eta 70 eurotik gora dago MWh-a, funtsezko gas-azpiegituren aurkako erasoek bultzatuta.
Tentsioa areagotu egin da Israelek Irango South Pars gas aztarnategia bonbardatu eta Teheranek misilekin Qatarko eta Arabiar Emirerri Batuetako instalazio energetikoen aurkako erasoa jo ostean. Zehazki, Iranek Qatarko Rass Laffan gas natural likidotua ekoizteko konplexuari eraso dio, eta suteak eta kalte handiak eragin ditu, QatarEnergy enpresaren arabera.
Donald Trump AEBko presidenteak esan du bere herrialdeak ez zuela Israelen erasoaren berri, eta Israelek ez duela azpiegitura hori berriro erasoko, "Iranek herrialde errugabe baten aurka egiten ez badu, behintzat".
Gatazkak energia garraioa ere kaltetzen du, batez ere Ormuzko itsasartean, munduko petrolioaren bosten bat igarotzen den gune estrategikoa baita. Inguru horretako itsas trafikoa gelditu egin da ia, eta azken orduetan petrolio-ontziei eraso gehiago egin dizkiete. Hori dela eta, golkoko herrialdeetako ekoizpena murriztu behar izan da, eta horrek prezioen igoera bizkortu du.
Burtsetan beherakadak eta merkatuen gaineko presioa
Krisiaren eragina dagoeneko finantza merkatuetan islatzen da. Asiako burtsa nagusiek galera nabarmenekin itxi dute, Japonian % 3,6 inguruko beherakadarekin, eta Hego Korean % 2,7koarekin. Estatu Batuetan, Dow Jonesek eta Nasdaqek ere negatiboan amaitu zuten asteazkeneko saioa.
Zure interesekoa izan daiteke
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.