Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Gaur iluntzean heldu dira Loiuko aireportura Gazara zihoan Global Sumud flotillan zihoazen euskal ekintzaileetatik bi: Bego eta Arantza. Duela hainbat ordutik han izan dituzte zain, Palestinako banderak eskuan, lagunak eta plataforma kideak eta harrera beroa egin diete iristean.
Besarkada, musu eta txaloen ondotik, Palestinaren aldeko plataformetako ordezkari banak hartu dute hitza, euskaraz eta gaztelaniaz, gertatu dena salatzeko, Israelek emandako tratu txarrak nabarmentzeko eta "Europaren pasibitatea" ere azpimarratzeko.
Kreta parean, nazioarteko uretan, geldiarazi zituen ekintzaileak asteazkenean, Israelgo armadak. 175 ekintzaile zihoazen ontzietan.
Flotillan zihoazen beste lau euskaldunak Grezian gelditu dira eta torturak eta tratu txarrak jasan dituztela salatu dute. 36 ekintzaile ospitaleetan artatu zituzten interbentzioaren ostean.
Atzora arte atxilotuta egon dira Israelen eskutan, eta denak aske utzi dituzte bi izan ezik: Thiago Avila brasildarra eta Saif Abukeshe, palestinar espainiarra.
Osasunez ondo egon arren, shock egoeran dago Saif Abukeshek ekintzailea, eta haren emazte Sallyk azaldu duenez, gose greba hasi du protesta gisa.
Abokatuek tratu txarrak ematea eta legez kanpoko galdeketak egitea leporatu diote Israeli.
Espainiako kontsulak bisita egin dio kartzelan eta Espainiako Gobernuak Saif aske uzteko eskatu du.
Flotilllako ekintzaileek diote aurrera jarraituko dutela eta itsasontziak berrantolatuko dituztela.
Zure interesekoa izan daiteke
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute andrea, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.